सवीनको झुर फण्डा

आलेख / समिक्षा

Home
आलेख / समिक्षा
सवीनको झुर फण्डा

सवीनको झुर फण्डा

शुक्रवार, चैत्र ७, २०७६ रंगसंसार

हिन्दी फिल्मको पोस्टर एवं दृश्य जुधाउँदै अभिनेता सविन श्रेष्ठले कलिउडको कपी बलिउडले पनि गर्दो रहेछ भनेर फेसबुकमा राखेपछि उनको चर्चा भन्दा आलोचना खेप्नु परेको छ । बागी–३को टाइगर श्राफको एक्सन लुक र साहो को पोष्टर सँग आफू अभिनित चलचित्र हिरोरिटन्र्सको एक एक्शन दृश्य तथा यसको पोष्टर जुधाउँदै उनले सार्बजनिक गरेको फोटो प्रति नकारात्मक प्रतिकृया छन् ।
सविन श्रेष्ठले २०७३ मै हिरो रिटन्र्स बनाउने घोषणा गरेका थिए । फिल्म बनाए पनि विभिन्न कारण देखाउँदै अहिलेसम्म रिलिज गर्न नसकेका सविनले यहि ०७७ साल बैशाख ३ गने हिरो रिटन्र्सं आउने भनेका छन् । तर अब यो डेटमा पनि चलचित्र हिरो रिटन्र्स आउला जस्तो भने लाग्दैन । कारोना भाइरसको त्रासमय अवस्थामा यो चलचित्र चल्न आइहाल्ला जस्तो भने लाग्दैन । त्यहिमाथी कोरोना त्रास कहिलेसम्म रहनछ भनेर भीहाल्न सकिने अवस्था पनि छैन । भुतले खाजा खाने वेला जस्तै भएको छ हिरो रीटन्र्स रिलिज सवीनका लागि ।
यहि छेकोमा चलचित्रको पब्लिसिटी होला की भनेर सविनले कलिउडको कपी दोस बलिउडलाई दिदै फेसफूकमा फण्डा गरेका थिए । यो फण्डा पनि सबिनको पक्षमा भने भएन । ‘साहो’को पोष्टर सँग केहि भाव मिलेपनि त्यति धेरै मिल्दैन पनि । तर मुख्य कुरा के हो भने आफ्नो काम प्रति भन्दा पनि अन्यतिर सविनको ध्यान पाइयो । चक्लेटी र एक्सनको जनरा छुट्टीन नसकेका नायकमा पर्ने सविनको अन्य खासै उल्लेख्य चलचित्र यतिवेला छैनन् । बरु त्यता तिर ध्यान दीन पाए हुन्थ्यो सविन ।

प्रकाशित मिति: शुक्रवार, चैत्र ७, २०७६, १०:३४:००

प्रतिक्रिया दिनुहोस्