भारतीय अभिनेता महेश बाबुले अब बलिउड चलचित्र छाड्दै

बलिउड / हलिउड

Home
बलिउड / हलिउड
भारतीय अभिनेता महेश बाबुले अब बलिउड चलचित्र छाड्दै

भारतीय अभिनेता महेश बाबुले अब बलिउड चलचित्र छाड्दै

मंगलबार, बैशाख २७, २०७९ रंगसंसार

दक्षिण भारतीय अभिनेता महेश बाबुले बलिउड चलचित्रमा काम नगर्ने बताएका छन्। उनले आफूलाई बलिउडले धान्न नसक्ने समेत बताएका छन् । उनले सोमबार चलचित्र 'सरकारु वारी पाता'को ट्रेलर सार्वजनिक कार्यक्रममा उक्त कुरा बताएका हुन् । भारतीय सञ्चार माध्यम नवभारत टाइम्सका अनुसार बलिउड चलचित्रमा काम गरेर समय बर्बाद नगर्ने उनले बताएका छन्।

'मलाई बलिउड चलचित्रबाट धेरै अफर आउँदैन। तर मलाई लाग्छ कि उनीहरू मलाई लिन सक्दैनन्। म बलिउडमा काम गर्न चाहन्न। जो मलाई धान्न सक्दैनन्' उनले भनेका छन्, 'यहाँ मैले राम्रो स्टारडम र सम्मान पाएको छु। मैले कहिले पनि यो उद्योग छाडेर जाने सोचेको छैन। मैले सधैँ यहाँ राम्रा चलचित्र गर्ने र ठूलो उद्योग बनाउने सोचेको थिएँ। मेरो सपना पूरा भइरहेको छ। म यहीँ खुसी छु।'

महेश बाबु पछिल्लो समय 'सरिलेरु नीकेववरु'मा देखिएका थिए। यो चलचित्र सन् २०२० मा सार्वजनिक भएको थियो। उनी 'सरकारु वारी पाता'मा देखिदैँछन्। परशुरामले निर्देशन गरेको चलचित्रमा महेशसँगै अभिनेत्री कीर्ति सुरेश र कमेडियन भेनेला किशोरको पनि अभिनय छ।

यो चलचित्र यही मे १२ अर्थात वैशाख २९ गतेदेखि प्रदर्शन हुँदैछ।

प्रकाशित मिति: मंगलबार, बैशाख २७, २०७९, ०१:५७:००

प्रतिक्रिया दिनुहोस्