हलिउड चलचित्र 'अवतारः द वे अफ वाटर'को टिजर सार्वजनिक

बलिउड / हलिउड

Home
बलिउड / हलिउड
हलिउड चलचित्र 'अवतारः द वे अफ वाटर'को टिजर सार्वजनिक

हलिउड चलचित्र 'अवतारः द वे अफ वाटर'को टिजर सार्वजनिक

मंगलबार, बैशाख २७, २०७९ रंगसंसार

हलिउड चलचित्र 'अवतारः द वे अफ वाटर'को टिजर सार्वजनिक भएको छ । जेम्स क्यामरुनले निर्देशन गरेको चलचित्रको टिजर सोमबार सार्वजनिक भएको हो।

निर्देशक केमरुन र जोन लन्डानौले निर्माण गरेको चलचित्रमा सोइ साल्डना, सेम वरिङटन, सिगौरने विभर, स्टेफेन ल्याङ, क्लिफ कर्टिसलगायतका अभिनय छ।

यही डिसेम्बर १६ तारिखमा प्रदर्शनमा आउने चलचित्रलाई पूर्ण रूपमा अन्डरवाटर (पानीमुनि) छायांकन गरिएको छ।

यो चलचित्र विश्वभर प्रदर्शन गर्नका लागि एक सय ६० भाषामा डब पनि गरिने भएको छ। चलचित्रको लगानी २५० मिलियन अमेरिकी डलर (करिब तीस अर्ब ९५ करोड ४० लाख रूपैयाँ) रहेको छ।

उच्च प्रविधियुक्त भिएफएक्सको प्रयोगले पनि चलचित्रको लगानी बढेको हो।

सन् २००९ मा प्रदर्शन भएको 'अवतार'ले विश्वव्यापी रूपमा सबैभन्दा बढी कमाई गर्ने चलचित्रको किर्तिमान राखेको थियो। चलचित्रले २.८४ बिलियन अमेरिकी डलर कमाएको थियो।

१३ वर्ष अगाडि प्रदर्शन भएको चलचित्र ‘अवतार’ डिज्ने स्टुडिओले पुनः प्रदर्शन गर्ने भएको छ । यो चलचित्र असोज ७ गतेबाट नेपाल र भारतमा प्रदर्शन हुनेछ।

प्रकाशित मिति: मंगलबार, बैशाख २७, २०७९, ०२:१५:००

प्रतिक्रिया दिनुहोस्