चलचित्रमा निरन्तरता नायिका अकेशा विष्ट

फिल्म

Home
फिल्म
चलचित्रमा निरन्तरता नायिका अकेशा विष्ट

चलचित्रमा निरन्तरता नायिका अकेशा विष्ट

बुधवार, जेठ ४, २०७९ रंगसंसार

कुनै समय टेलिभिजन र चलचित्रको पर्दाबाट मनोरञ्जन वृत्तमा नाम कमाएकी नायिका हुन्, अकेशा विष्ट । तर, करियरले गति लिँदै गर्दा उनी अमेरिका उडिन् र गुमनाम भइन् । डेब्यु चलचित्र ‘जिन्दगी रक्स’ रिलिज भएलगत्तै अध्ययनका लागि भन्दै उनी त्यता लागेकी थिइन् ।

अहिले अकेशा काठमाडौंमा फर्किएकी छन् । जेठ ६ गतेदेखि प्रदर्शन तयारीमा रहेको चलचित्र ‘लाइफ इन एलए’बाट उनले कमब्याक गरेकी छिन् ।

गत सोमबार अमेरिकादेखि आएकी अकेशाले सोही दिन पत्रकारसँगको अन्तक्रियामा आफ्ना धारणा राखिन् । ‘मेरो कमब्याक खुसी, डर र नर्भसले भरिएको छ’ उनले भनिन्, ‘अब अमेरिकामै बसेर भएपनि अभिनयलाई निरन्तरता दिनेछु ।’

चलचित्र ‘लाइफ इन एलए’ले अमेरिकी सपना देखेर त्यहाँ होमिएका नेपाली युवापुस्ताको संघर्ष र असमानतालाई चित्रण गर्छ । चलचित्रमा अकेशा स्वयमको मुख्य भूमिका छ । ब्यास बिसुसँग उनले अनस्क्रिन रोमान्स गरेकी छन् ।

प्रकाशित मिति: बुधवार, जेठ ४, २०७९, ०४:१४:००

प्रतिक्रिया दिनुहोस्