चलचित्र ‘झिँगेदाउ’को सिक्वेल बन्ने

फिल्म

Home
फिल्म
चलचित्र ‘झिँगेदाउ’को सिक्वेल बन्ने

चलचित्र ‘झिँगेदाउ’को सिक्वेल बन्ने

बुधवार, मंसिर २१, २०७९ रंगसंसार

निदेशक ज्ञानेन्द्र देउजा यो बर्षको हिट चलचित्र ‘झिँगेदाउ’को सिक्वेल बनाउने तयारीमा लागेका छन् । यो चलचित्रको कथा व्यस्त लेखक महेश दवाडीले लेखिरहेका छन् । चलचित्रको छायांकन अर्को बर्षबाट सुरु गर्ने योजना उनको छ । ७ बर्षपछि ‘झिँगेदाउ’बाट निर्देशनमा कमब्याक गरेका देउजा सर्वाधिक सफल ठहरिए ।

यसकारण, उनी यही हिट चलचित्रको सिक्वेल बनाएर दर्शकलाई नयाँ खुराक पस्कने तयारीमा छन् । उसो त, कुनै हिट चलचित्रको सिक्वेललाई ‘खाली चेक’ भन्ने पनि गरिन्छ ।

चलचित्र ‘झिँगेदाउ’ निर्देशनपछि देउजा फेरि व्यस्त बनेका छन् । उनी, निर्माता छविराज ओझाको ‘जेल ब्रेकर’ बनाउने तयारीमा छन् । यसपछि, उनले २ बाहिरी ब्यानरको चलचित्र पनि निर्देशन गर्ने तयारी गरेका छन् ।

‘झिँगेदाउ’को लगानी भन्दा सिक्वेलको लगानी बढी हुने देउजाको कथन छ । दर्शकले अत्याधिक मन पराएका कारण यसपटक अझै उत्कृष्ट कथामा फिल्म बनाउनुपर्ने चुनौती पनि उनीसँग छ । चलचित्रमा मुख्य कलाकारहरु केकी अधिकारी, आँचल शर्मा, मुकुन्द भुषाल, कुशल बिष्ट नै दोहोरिनेछन् । अन्य कलाकारको बिषयमा तय नभएको उनको भनाई छ ।

प्रकाशित मिति: बुधवार, मंसिर २१, २०७९, ०१:१८:००

प्रतिक्रिया दिनुहोस्