गजलसंग्रह ‘सम्झनाको आँधी’ सार्वजनिक

विविध

Home
विविध
गजलसंग्रह ‘सम्झनाको आँधी’ सार्वजनिक

गजलसंग्रह ‘सम्झनाको आँधी’ सार्वजनिक

शुक्रवार, चैत्र १३, २०७७ रंगसंसार

कवि तथा गजलकार सन्देश सुब्बाको गजलसंग्रह ‘सम्झनाको आँधी’ मंगलबार सार्वजनिक भएको थियो । ललितपुरस्थित किरात याक्थुङ चुम्लुङको केन्द्रीय कार्यालयमा गजलकार ललिजन रावल तथा उपस्थित अतिथि कविहरूले गजलसंग्रह सार्वजनिक गरेका हुन् । पेशाले सञ्चारकर्मी रहेका सुब्बाको यो दोस्रो कृति हो । यसअघि उनको ‘आगोको सौन्दर्य’ कवितासंग्रह प्रकाशित भइसकेको छ ।

गजलसंग्रह ‘सम्झनाको आँधी’ लोकार्पण कार्यक्रममा साहित्यकारहरु विमला तुम्खेवा, शकुन्तला जोशी र प्रकाश आङदेम्बेले पुस्तकको चर्चा गरेका थिए । राजनीतिज्ञ वीर नेम्बाङ र श्रीप्रसाद जबेगु तथा प्राज्ञ अमर तुम्याहाङले लेखकलाई शुभकामना दिएका थिए । ‘सम्झनाको आँधी’लाई निम्बल पब्लिकेशनले बजारमा ल्याएको हो ।