‘प्लस साईज मोडल नेपाल’ को चौथो संस्करण सुरु

विविध

Home
विविध
‘प्लस साईज मोडल नेपाल’ को चौथो संस्करण सुरु

‘प्लस साईज मोडल नेपाल’ को चौथो संस्करण सुरु

बुधवार, मंसिर २१, २०७९ रंगसंसार

मोटी युवतीहरु लक्षित मोडलिङ सौन्दर्य प्रतियोगिता ‘प्लस साईज मोडल नेपाल’ को चौथो संस्करण सुरु भएको छ । आयोजक मोडल संघ नेपालले एक विज्ञप्ति जारी गर्दै प्रतियोगीताको आवेदन खुल्ला भएको जनाएको हो ।

१६ देखि ४० बर्षसम्मका विवाहित तथा अविवाहित दुवै समूहका युवतीले भाग लिन सक्ने प्रतियोगितामा ५५ केजी भन्दा माथि तौल भएको र स्पष्ट मोटोपना देखिएको हुनुपर्ने प्रावधान आयोजकले राखेको छ ।

मोटोपनाका कारण हिनताबोध भएका युवतीहरुलाई प्रोत्साहन गर्ने तथा उनीहरूको क्षमता अभिवृद्धि गर्दै समाजमा सकारात्मक सन्देश फैलाउने उद्देश्यले आयोजना गरिएको ‘प्लस साइज मोडल नेपाल’को कोरियोग्राफी चर्चित फेसन कोरियोग्राफर रोजिन शाक्यले गर्दैछन् ।

चौथो संस्करणसम्म आइपुग्दा प्रतियोगिताले प्लस साइज युवती-महिलाहरुलाई उत्कृष्ट प्रशिक्षण प्रदान गरि दर्जनौ व्यावसायिक मोडल उत्पादन गर्न सफल भएको आयोजक संस्था मोडल संघ नेपालका प्रमुख डेविल सिंह राजपुतले बताए ।

प्रतियोगीतामा प्रारम्भिक अडिसनबाट छानिएका प्रतियोगीलाई अन्तिम प्रतिस्पर्धाका लागि र्याम्प, व्यक्तित्व विकास, सञ्चार कला, फोटोसेसन, स्टेज पफर्मेन्स, पब्लिक स्पिकिङ लगायत विभिन्न विषयमा दक्ष प्रशिक्षकको प्रशिक्षण सहित फाइनमा स्पर्धामा उतारिनेछन् । प्रतियोगीताका विजेताले अन्तर्राष्ट्रिय प्रतियोगीतामा सहभागीको अवसरको अलवा विभिन्न उपहार हात पार्न सक्नेछन् ।

प्रकाशित मिति: बुधवार, मंसिर २१, २०७९, ११:०२:००

प्रतिक्रिया दिनुहोस्