‘द भ्वाइस’ को फाइनल बाट बाइरिइन् नेपाली मुलकी गायिका परिजिता

विविध

Home
विविध
‘द भ्वाइस’ को फाइनल बाट बाइरिइन् नेपाली मुलकी गायिका परिजिता

‘द भ्वाइस’ को फाइनल बाट बाइरिइन् नेपाली मुलकी गायिका परिजिता

बुधवार, मंसिर २१, २०७९ रंगसंसार

नेपाली मुलकी गायिका परिजिता बास्तोला विश्व प्रसिद्ध अमेरिकी रियालिटी शो ‘द भ्वाइस’ को सेमिफाइनलबाट बाहिरिएकी छिन् । गायनमा आधारित यो रियालिटी शोको सेमीफाइनलसम्म पुग्न सफल गायिका बास्तोला फाइनलमा भने पुग्न सकिनन् ।

अमेरिकी समय अनुसार सोमबार राति घोषित परिणाम अनुसार परिजिताले अन्तिम पाँचचमा स्थान बनाउन असफल भएकी हुन् । यो संगै उत्कृष्ट प्रस्तुति दिँदै आएकी गायिका बास्तोलाको ‘द भ्वाइस’ को यात्रा टुंगिएको छ ।

सोमबारको कार्यक्रममार्फत मोर्गन माइल्स, ब्रीस लेदरउढ, ब्राइडेन लेप, बोडी तथा ओमार जोस कार्डोना अन्तिम पाँच (फाइनलिष्ट) मा पुग्न सफल भएका छन् । एनबिसीको यो गायनमा आधारित रियालिटीको २२ औं संस्करणको सेमिफाइनलमा बास्तोलासहित आठ जना पुग्न सफल भएका थिए । सेमिफाइलन चरणको प्रस्तुतिपछि तीन जना प्रतियोगि बाहिरिएका हुन् ।

आठ जनामध्ये चार जना फाइलन चरणमा पुगेका थिए भने बास्तोलासहित ओमार, किम तथा जस्टिनले इन्स्ट्यान्ट सेभमा प्रस्तुति दिएका थिए । उनीहरु मध्ये ओमारमात्र उत्कृष्ट पाँचका लागि छनोट भएका हुन् । अब उत्कृष्ट पाँचमा पुग्न सफल भएकाहरुमध्ये एक जनाले यो वर्षको द भ्वाइसको उपाधि जित्ने छन् ।

द भ्वाइसको ग्राण्ड फिनाले यही मंसिर २६ र २७ गते आयोजना हुनेछ । प्रत्यक्ष प्रसारण हुने फिनालेको पहिलो चरण अमेरिकी समय अनुसार आगामी सोमबार राति आठ बजे तथा दोस्रो चरणमा मंगलबार राति ९ बजेदेखि प्रारम्भ हुनेछ ।

प्रकाशित मिति: बुधवार, मंसिर २१, २०७९, १२:१८:००

प्रतिक्रिया दिनुहोस्