‘पठान’ हेर्न पुगेकी पूजाले हलभित्रै काटिन् केक

विविध

Home
विविध
‘पठान’ हेर्न पुगेकी पूजाले हलभित्रै काटिन् केक

‘पठान’ हेर्न पुगेकी पूजाले हलभित्रै काटिन् केक

बुधवार, माघ ११, २०७९ रंगसंसार

बुधबारदेखि विश्वभर रिलिज भएको बलिउड फिल्म ‘पठान’को क्रेज नेपालमा समेत देखिएको छ । शाहरुख खानका नेपाली फ्यानले हल नै बुक गरेर पहिलो शो हेरे । यति मात्र होइन, अभिनेत्री पूजा शर्माले त शाहरुखका क्रेजी फ्यानसँगै केक काटेर खुसी बाँडिन् ।

काठमाडौंको एक हलमा एकाबिहानै फिल्म हेर्न पुगेकी पूजाले फ्यानसँगै पठान लेखिएको केक काटिन् । पूजा शाहरुखकी डाइहार्ट फ्यान समेत हुन् । सार्वजनिक गरिएका तस्वीर र भिडियोमा पूजालाई फ्यानसँगै रमाइलो गर्दै केक काटिएको देख्न सकिन्छ । त्यसपछि उनले फिल्म हेरेर फ्यानसँग भलाकुसारी पनि गरेकी छन् ।

सिने द सेफ मल्टिप्लेक्स हलमा फ्यानले केक काट्ने जिम्मा पूजालाई दिएका थिए । फ्यानले फिल्मलाई रुचाउने त भइहाले, पूजाले फिल्म साढे २ घण्टा लामो फिल्मलाई ‘इन्जोय’ गरिन् । शाहरुखप्रति पूजाको यो क्रेज पहिलोपटक भने होइन, धेरै अवसरमा उनले ‘एसआरके’लाई सेलिब्रेट पनि गरेकी छन् ।

केही साताअघि शाहरुख खानलाई लिएर भारतमा भइरहेको पठान विवादमा शाहरुखको पक्ष लिएर पूजाले इन्स्टाग्राम स्टोरीमा पोस्ट नै गरेकी थिइन् ।

कामको कुरा गर्दा पूजाले पनि प्रेमकथामा आधारित फिल्महरु गरिरहेकी छन् । अनमोल केसीलाई लिएर पूजा नयाँ फिल्म निर्माणमा जुटेकी छन् जसलाई सुदर्शन थापाले निर्देशन गर्नेछन् ।

नेपालका डेढसय भन्दा बढी हलमा रिलिज भएको पठान हेर्न बिहानैदेखि दर्शकको ओइरो लागेको छ । बिहानी र दिवाकालीन शो सबै हाउसफुल छन् । चार वर्षपछि शाहरुखको फिल्म रिलिज भएकाले पनि होला, दर्शक फिल्म हेर्न अधैर्य देखिन्छन् । फिल्मले बुधबारको ओपनिङमा नेपालमा करोडभन्दा बढी कमाइ गर्ने प्रक्षेपण गरिएको छ ।

प्रकाशित मिति: बुधवार, माघ ११, २०७९, ०३:३८:००

प्रतिक्रिया दिनुहोस्