चलचित्र ‘दोख’को टिकट बुकिङ खुल्ला

फिल्म

Home
फिल्म
चलचित्र ‘दोख’को टिकट बुकिङ खुल्ला

चलचित्र ‘दोख’को टिकट बुकिङ खुल्ला

बुधवार, असार २२, २०७९ रंगसंसार

यही शुक्रबारदेखि देशभरका सिनेमाघरमा आउन लागेको चलचित्र ‘दोख’को अग्रिम टिकट बुकिङ खुल्ला गरिएको छ । अनुप बराल निर्देशत यस चलचित्रको मंगलबारदेखि मल्टिप्लेक्स हलहरूमा टिकट बुकिङ खुल्ला गरिएको हो । यो चलचित्र हेर्न चाहने दर्शकले अनलाइनमार्फत आफूलाई पायक पर्ने हलको टिकट बुक गर्न सक्नेछन् ।

‘दोख’ सशस्त्र द्धन्द्धको पृष्ठभूमिमा निर्माण गरिएको चलचित्र हो । सशस्त्र द्वन्द्वको पृष्ठभूमिमा दुई गाउँलेबीच सामुदायिक वनको झगडालाई लिएर चलचित्र बनेको हो ।

राजन कठेतको कथा रहेको चलचित्रमा दीया मास्के, मनिष निरौला, माओत्से गुरुङ, लोकमणि सापकोटा, राज थापा काउछा, रोय दिभ, कमल देवकोटा, सुरज मल्ल, साजन थापा मगर लगायतको अभिनय छ ।

सविन ज्ञवाली र मनोज अधिकारी निर्माता रहेको चलचित्रमा भीम न्यौपाने, ओम गुरुङ, रञ्जु वाग्ले थापा कार्यकारी निर्माताको रुपमा छन् । शैलेन्द्र डी. कार्कीको छायांकन रहेको चलचित्रलाई निमेष श्रेष्ठले सम्पादन गरेका हुन् । चलचित्र सोमबार सेन्सर पास भइसकेको छ ।

प्रकाशित मिति: बुधवार, असार २२, २०७९, ०१:२४:००

प्रतिक्रिया दिनुहोस्