मिस नेपालको विरासत ?

आलेख / समिक्षा

Home
आलेख / समिक्षा
मिस नेपालको विरासत ?

मिस नेपालको विरासत ?

आइतवार, चैत्र २, २०७६ रंगसंसार

मिस नेपाल भएपछि के गर्ने ? खासमा अन्यौलमा हुन्छन् मिस नेपाल । मिस नेपालको ताज र सिनेमा गर्नुमा निकै फरक छ । मिस नेपालका मापदण्ड भिन्दै छन् । सिनेमामा अभिनय गर्नुका मापदण्ड फरक छन् । सुन्दरताको मापक मिलेपनि सिनेमा सबैलाई सुहाउँछ भन्ने मान्न सकिदैन । तै पनि सिनेमा खेल्न आउँछन् सुन्दरीहरु । बलिउडमा पनि यसरी आएका छन् । प्राय सफल पनि छन् । नेपालको सन्दर्भमा कुरा गर्नुपर्दा यो क्रम धेरैमा देखिएपनि सफलता हात पर्ने गरेको छैन । सृष्टी श्रेष्ठको थोरै निरन्तरता बाहेक निरन्तर पनि छैनन् । तै पनि सिनेमामा हाम्फाल्छन् नेपाल सुन्दरीहरु । यस्तैको एक मापक हुन् साङ्लोबाट प्रवेश गरेकी निकीता चण्डन्क ।
साङ्लो विराज भट्टको चलचित्र थियो । विराज आफूलाई ‘कम व्याक’ मात्र होइन यसैबाट निर्देशनमा डेव्यू गरिहेका थिए । चलचित्र चल्दै नचलेको पनि हैन । एक हिसावमा विराज सफल पनि देखिए । सिङ्गल थियटरमा उनि हाई हाई भए । एक अर्थमा भन्नुपर्दा विराजको ‘कमव्याक’ पनि सफल भयो र निर्देशनको डेव्यू पनि । भलै समिक्षकका नजरमा विराजलाई स्वीकार गरिएन । पुरातन दर्शकमा पुरातन शैलीमा विराज आंशीक सफल भएकै हुन् । यस सफलतामा निकिताको उपस्थित गौण मानियो । निकिताको कुनै जादु चलेन । उनि आइन् र गइन् मात्रै ।
मिस नेपालको ताज जितेका मलीना जोशी, जेनिशा मोक्तान, माल्भीका सुब्बा, झरना बज्राचार्य, सुमि खड्का, रुवी राणा, सृष्टी श्रेष्ठ लगायतका सुन्दरी चलचित्रमा आए । कसैको दरीलो उपस्थिति छैन । यस सन्दर्भमा यहि कित्तामा आइन् निकिता । भलै विराजको एक्सन फिल्ममा उनी आउनु सकारात्मक र हिम्मत मान्नुपर्छ । यसो त निकिता रानी महलमै पछारीएकी थिइन् । जुन चलचित्र थोरै छायांकन भएर रोकीएको रोकियै भयो ।

प्रकाशित मिति: आइतवार, चैत्र २, २०७६, ०५:१०:००

प्रतिक्रिया दिनुहोस्