साराको ‘गुञ्जन’ पुस २९ रिलिज हुने

फिल्म

Home
फिल्म
साराको ‘गुञ्जन’ पुस २९ रिलिज हुने

साराको ‘गुञ्जन’ पुस २९ रिलिज हुने

बुधवार, असार २२, २०७९ रंगसंसार

चलचित्र ‘गुञ्जन’ आगामी पुस २९ गतेबाट प्रदर्शनमा आउने भएको छ । निर्माण युनिटले चलचित्र बितरकका लागि काठमाडौंमा जीजीए ग्रुप र काठमाडौं बाहिर एफडी कम्पनीसम्म सम्झौता गर्दै चलचित्रको रिलिज मिति तय गरेको हो ।

विशुद्ध प्रेमकथाको बिषयमा बनेको चलचित्रमा सारा सिर्पाली, प्रितमराज सेन्चुरी, सरोज खनाल, हिउँवाला गौतम, कविर खड्का, रोहन शाही, निरुता स्याङतान, कन्चन चालिसे, सुस्मिता बराल, इभा श्रेष्ठ, अमोद भट्ट, आइपी आचार्य, ऋचा शर्मा, अमेश न्यौपाने लगायतका कलाकारको अभिनय देख्न सकिन्छ । प्रितमराजले यसै फिल्मबाट अभिनयमा डेब्यु गरेका हुन् ।

विगत २ दशकदेखि चलचित्रको द्वन्द्व निर्देशन गर्दै आएका अष्ट महर्जन चलचित्रका निर्देशक हुन् । थुप्रै चलचित्रमा द्धोन्द निर्देशन गरेका अष्टले यसै फिल्मबाट निर्देशनमा डेब्यु गरेका हुन् । आफूले चलचित्र क्षेत्रबाट सिकेको, जानेको सबै अनुभव ‘गुञ्जन’ मा खन्याएको अष्टले बताए ।
हिराकृष्ण शाहीको प्रस्तुति र सुनिता शाही निर्माता रहेको चलचित्र ए.एच इन्टरटेन्मेन्टको ब्यानरमा निर्माण भएको हो । काठमाडांै, पोखरा, जोमसोममा र दुवईमा छायांकन भएको छ ।

चलचित्रमा कविराज गहतराजको कोरियोग्राफी रहेको चलचित्रमा राजेश श्रेष्ठको छायाँकन, विपिन मल्लको सम्पादन, कल्याण सिंह, अर्जुन पोखरेल र करणराज कार्कीको संगीत छ । नीता ढुंगानाको आकर्षक आइटम डान्स समेत रहेको छ । उनले ‘कोही भन्छन् रसिली छु रे’ बोलको गीतमा आइटम नृत्य गरेकी छन् ।

प्रकाशित मिति: बुधवार, असार २२, २०७९, १२:५८:००

प्रतिक्रिया दिनुहोस्