चर्चित म्युजिक भिडियो ‘रेलको बाटो’ भारतको अन्तर्राष्ट्रिय चलचित्र महोत्सव छानियो

फिल्म

Home
फिल्म
चर्चित म्युजिक भिडियो ‘रेलको बाटो’ भारतको अन्तर्राष्ट्रिय चलचित्र महोत्सव छानियो

चर्चित म्युजिक भिडियो ‘रेलको बाटो’ भारतको अन्तर्राष्ट्रिय चलचित्र महोत्सव छानियो

आइतवार, माघ ८, २०७९ रंगसंसार

भारतको प्रतिष्ठित चलचित्र महोत्सव मध्ये एक ‘बाबासाहेब डा. बी.आर. अम्बेडकर अन्तर्राष्ट्रिय चलचित्र महोत्सव’को तेस्रो सँस्करणमा लक्ष्मण सुनार निर्देशित चर्चित नेपाली म्युजिक भिडियो ‘रेलको बाटो’ छानिएको छ । योसँगै सुनिल पाण्डे निर्देशित नेपाली लघु चलचित्र ‘कथा आँफै बोल्छ’ र दुई वृत्तचित्रहरु योगेन मान गोर्खाली निर्देशित ‘बिशुपति’ र बिशाल रोका मगर निर्देशित ‘लाहुरेनी’ पनि उक्त महोत्सवमा छानिएका छन् ।

‘रेलको बाटो’ महोत्सवको प्रेरक म्युजिक भिडियो श्रेणी अन्तर्गत छानिएको हो । मार्च २१, २०२१ मा यूट्युबमार्फत रिलिज भएको ‘रेलको बाटो’ले यो समाचार तयार पार्दासम्म ६० लाख ६५ हजार भन्दा धेरै भ्युज प्राप्त गरेको छ । यसमा लेखराज गिरीको शब्द एवं सुरज पण्डितको स्वर तथा संगीत रहेको छ भने भिडियोमा चिरिन्जिवी सापकोटा, सरस्वति खत्री र लक्ष्मण देवकोटाको अभिनय रहेको छ । गीतको अडियो तथा भिडियोमा नेपालको विकट स्थानहरुको सडकहरुको दयनिय अवस्था र राज्यले बाँडिरहेको रेलको सपनाबारे उल्लेख गरिएको छ ।

कुनै पनि देशका कुनै पनि भाषामा बनेका फिचर चलचित्र, लघु चलचित्र, वृत्तचित्र तथा प्रेरक म्युजिक भिडियोले उक्त महोत्सवमा भाग लिन पाउँछन् । यो महोत्सव फेब्रुअरी २१ देखि २३ सम्म भारतको महाराष्ट्रमा आयोजना हुँदैछ ।