दीपकको निर्माण र दिनेशको निर्देशनमा आयो जति जन्म

म्यूजिक

गृहपृष्ठ
म्यूजिक
दीपकको निर्माण र दिनेशको निर्देशनमा आयो जति जन्म

दीपकको निर्माण र दिनेशको निर्देशनमा आयो जति जन्म

मंगलबार, वैशाख १३, २०७९ रंगसंसार

नेपाली चलचित्रका समेत निर्देशक रहेका दिनेश सिंह ठकुरीको निर्देशनमा नयाँ म्युजिक भिडियो बुढासुब्बा डिजिटलले सार्वजनिक गरेको छ । कबिता श्रेष्ठ र आरोग्य गुरागाईंले गाएको जति जन्म बोलको गीतको भिडियो सार्वजनिक भएको हो ।

पछिल्लो समयका नेपाली चलचित्रमा समावेश गरिने सांगीतिक फ्वेवर बोकेको गीतमा राजेशकुमार श्रेष्ठको शब्द तथा संगीत रहेको छ । गीतको रेकर्डिङ समेत श्रेष्ठले सञ्चालन गरेको म्युजिक पार्क स्टुडियोमा गरिएको हो ।

विभिन्न प्राकृतिक रमणीय दृष्यहरु समावेश गरिएको भिडियोमा निरज लोहनी र बबिना बिश्वकर्माले अनस्क्रिन रोमान्स गरेका छन् । सुवास गौतमको कोरियोग्राफी तथा मरुभूमि नारायणको छायाँकन रहेको भिडियोका निर्माता दीपक सिंह साउँद रहेका छन् । त्यसै गरी भिडियोको सम्पादन रोशन धितालले गरेका छन् ।

प्रकाशित मिति: मंगलबार, वैशाख १३, २०७९ १७:३३

प्रतिक्रिया दिनुहोस्