अनिला राईको गीत ‘बादलसँगै’ सार्वजनिक

म्यूजिक

गृहपृष्ठ
म्यूजिक
अनिला राईको गीत ‘बादलसँगै’ सार्वजनिक

अनिला राईको गीत ‘बादलसँगै’ सार्वजनिक

शुक्रबार, भदौ २९, २०८० रंगसंसार

गायिका अनिला राईले बादलसँगै’ बोलको नयाँ गीत सार्वजनिक गरेकी छिन् । गीतलाई उनले स्वीजरल्याण्डमा छायाँकन गरेकी हुन् । जुन भिडियो उनले आफ्नो अफिसियल युट्युब च्यानल ‘अनिला राई अफिसियल’मार्फत सार्वजनिक गरेकी छन् ।

केही साताअघि अनिला परिवारसहित स्वीजरल्याण्ड घुम्न गएकी थिइन् । त्यही मौकामा आफ्नो गीत ‘बादलसँगै’को भिडियो निर्माण गरेको अनिलाले बताइन् । भिडियोमा स्वीजरल्याण्डको रमणीय दृश्यहरु कैद गरिएको छ ।

यसअघि यस गीतको भिडियोका नेपालको दोलखास्थित सैलुङ डाँडामा छायाँकन गरिएको थियो । जुन भिडियो दर्शकले रुचाएका थिए । अहिले पुनः अनिलाले यो गीतको भिडियो बनाएकी हुन् ।

अनिलाले भनिन्, ‘स्वीजरल्याण्ड घुम्न गएको बेला मौकाको फाइदा उठाएकी हुँ । गीतले भावले पनि स्वीजरल्याण्डको दृश्यमा भिडियो बनाउन मन लाग्यो ।’ गायिका अनिलाले भनेजस्तै यो गीत सुन्दा मनलाई आनन्द हुन्छ भने आँखालाई शीतलता प्रदान गर्छ । भिडियो अनिला आफैंले अभिनय गरेकी छन् ।

गायिका अनिलाको ‘स्वरांकन’ एल्बमको समेटिएको यो गीतमा अनिलाकै शब्दरचना रहेको छ भने संगीत शान्तिराम राईको रहेको छ । यस भिडियोको छायाँकन तथा निर्माण नन्दराज राईले गरेका हुन्। सम्पादन भने सुमन बुढाथोकीको रहेको छ ।

प्रकाशित मिति: शुक्रबार, भदौ २९, २०८० १७:०७

प्रतिक्रिया दिनुहोस्