फ्राइडे रिलिज अन्तर्गत आज भदौ २० गते शुक्रवारदेखि नयाँ नेपाली फिल्म ‘रिमै’ प्रदर्शनमा आएको छ । यो फिल्मलाई देशभरिका सिनेमा हलहरुले राम्रो शो दिएका छन् । यो फिल्मका लागि सिनेमा हलहरुले बुधवारदेखि नै अग्रीम बुकिङ खुल्ला गरेका थिए । बिहीवार साँझसम्म देशभरका मल्टीप्लेक्सदेखि सिंगल स्क्रिनसम्मले यो फिल्मका लागि शोहरु निकालिसकेका थिए ।
अभिनेता दयाहाङ राई र अभिनेत्री रिश्मा गुरुङको मुख्य भूमिका रहेको फिल्म देशकै ठुलो मल्टीप्लेक्स चेन क्युएफएक्सले काठमाडौं उपत्यकामा १४ शो तथा मोफसलमा १८ शो उपलब्ध गराएको छ । दोस्रो ठूलो मल्टीप्लेक्स चेन आईएनआई सिनेमाजले आफ्ना पाँच हलमा ५ शो, वान सिनेमाजले ७ शो, बिग मुभिजले २ शो, एफक्युब सिनेमाजले ३ शो, बिएसआर मुभिजले २ शो, रञ्जना सिनेप्लेक्सले ५ शो, सिके सिनेमाजले २ शो, सिने डी सेफले २ शो उपलब्ध गराएको छन् । यदि सिनेमा हलमा दर्शकको चाप बढ्दै गएको खण्डमा विस्तार शो थपिदै जाने विश्वास निर्माण टिमको छ ।
गोरखा सिरानचोक एण्ड लिगलिगकोट फिल्मस् प्रालीको प्रस्तुती र रोटेपिङ इन्टरटेनमेन्टको सहकार्यमा निर्माण भएको यो फिल्ममा दयाहाङ राई, अर्पण थापा, रिश्मा गुरुङ, गौमाया गुरुङ, कविता आले मगर, माओत्से गुरुङ, पुस्कर गुरुङ, वीरमाया गुरुङ, वीरवल घले, डिवी गुरुङ, टेक गुरुङ र बालकलाकार असिम सुब्बा, प्रेस्टु गुरुङ र प्रश्ना राना मगर लगायतको पनि अभिनय रहेको छ ।
कवि तथा निर्देशक उपेन्द्र सुब्बाको पटकथा लेखन रहेको फिल्मलाई शैलेन्द्र ध्वज कार्कीले खिचेका हुन् । वीरवल घले कार्यकारी निर्माता रहेको सिनेमामा टिका गुरुङ, जित यात्री गुरुङ र दुन बहादुर घले निर्माता तथा बिनु गुरुङ, रोशन भट्टराई र राजेश घिमिरे सह(निर्मातामा छन् ।
खिल बहादुर गुरुङको निर्देशनमा निर्माण भएको फिल्ममा दीपक शर्मा र थानेश्वर गौतमको संगीत, किरण चाम्लिङ राई मुख्य सहायक निर्देशक, बिष्णु मैनाली प्रोडक्सन म्यानेजर र मित्र डि गुरुङको सम्पादन रहेको छ । यसअघि, गत बुधवार साँझ काठमाडौंमा आयोजित फिल्मको प्रीमियर शोमा सेलिब्रेटी दर्शकको उत्कृष्ट प्रतिक्रिया पाएको थियो ।
-1764738164.jpg)
-1764052037.jpg)
