‘होरी‘मा राजेश र उषा

म्यूजिक

गृहपृष्ठ
म्यूजिक
‘होरी‘मा राजेश र उषा

‘होरी‘मा राजेश र उषा

आइतबार, फागुन १०, २०८२ रंगसंसार

नेपाली संगीत बजारमा गायक कृष्ण विक र गायिका समीक्षा अधिकारीको स्वर रहेको ‘होरी‘ बोलको गीतको भिडियो सार्वजनिक भएको छ । सुदुरपश्चिममा चर्चामा रहेको भाकालाई राष्ट्रियकरण गर्नका लागि कृष्ण र उनको टिमले लामो समयदेखिको प्रयासलाई होली गीत ‘होरी‘का मार्फत देखाउन खोजेका छन् ।

गीतमा महानायक राजेश हमाल, पूर्वमिस नेपाल उषा खड्की, मनोज मर्हजन र बिन्दिया बुढाथोकीसहितको अभिनय देख्न सकिन्छ । भक्तपुरका विभिन्न स्थानमा २ दिन लगाएर छायांकन गरिएको भिडियोले होली पर्वको सांस्कृतिक र परम्परागत महत्वलाई नजिकबाट केलाएको निर्माण युनिटको दाबी छ ।

सुदूरको संस्कृतिलाई विश्वसामु चिनाउने उदेश्यले लामो समयको प्रयासपछि होरी लिएर आएको निर्देशक सरोज खड्का बताउँछन् । भिडियोमा राजेश र उषाका माध्यमबाट सुदूरपश्चिमको कला र संस्कृतिलाई देखाउने काम गरिएको छ । राम अबिरल विष्टको शब्द सृजना रहेको गीतमा दीपक आरजेको संगीत छ ।

पवन सुस्लिगंको छायांकन रहेको गीतको सम्पादन मिलन श्रेष्ठले गरेका हुन् । देउ सिंह ओराको कोरियोग्राफी रहेको होरी गायक स्वयम कृष्ण विकको अफिसियल युट्युब च्यानलबाट बजारमा आएको हो ।

प्रकाशित मिति: आइतबार, फागुन १०, २०८२ १३:०३

प्रतिक्रिया दिनुहोस्