‘टिका’ घोषणा

फिल्म

गृहपृष्ठ
फिल्म
‘टिका’ घोषणा

‘टिका’ घोषणा

आइतबार, फागुन २४, २०८२ रंगसंसार

नेपाली फिल्म ‘टिका’ को निर्माण घोषणा गरिएको छ । अन्तर्राष्ट्रिय नारी दिवसको अबसरमा नारीप्रधान नेपाली फिल्म ‘टिका’ को घोषणा गरिएको हो ।

निर्माण घोषणासहित आइतबार सार्वजनिक गरिएको चलचित्रको थीम पोस्टरमा टिकालाई रातो रंगको गोलाकारभित्र सेतो अक्षरमा लेखिएको छ । जसले फिल्ममा समेटिने संघर्ष, पराक्रम र नैतिक स्वच्छताको संकेत गर्छ ।

फिल्म ‘टिका’ लाई शंकर कार्कीले निर्देशन गर्नेछन् । चन्दन झा र निर्देशक कार्कीको कथामा तयार हुने चलचित्रको पटकथा रामकुमार श्रेष्ठले लेखेका छन् ।

भविष्य खड्का निर्माता रहेको यो चलचित्रमा प्रमुख कलाकारको भुमिकामा अभिनेता महेश त्रिपाठी, अभिनेत्रीद्वय ऋचा शर्मा, वर्षा शिवाकोटी र हाँस्य कलाकार निर्मल शर्मा अनुबन्धित भइसकेका छन् । साथमा बाल कलाकार आयुशी ढकाल पनि प्रमुख अभिनयमा रहनेछिन् । कलाकार र प्राविधिकहरू छनोटको चरणमा रहेको चलचित्रका कार्यकारी निर्माता तेजविक्रम केसीले बताए ।

सम्पूर्ण कास्ट एण्ड क्रूु तय भइसकेपछि औपचारिक घोषणासहित चलचित्रको छायांकन प्रारम्भ हुने र सोहि समयमा प्रदर्शन मिति समेत सार्वजनिक गरिने निर्माण टिमले बताएको छ ।भविष्य फिल्मस् प्रालीको प्रस्तुति तथा थर्ड आइ आर्ट्स प्रालीको सहकार्यमा यो चलचित्र तयार हुनेछ ।

प्रकाशित मिति: आइतबार, फागुन २४, २०८२ १४:०५

प्रतिक्रिया दिनुहोस्