‘भक्तपुर फिल्म फेस्टिभल’ हुने

फिल्म

गृहपृष्ठ
फिल्म
‘भक्तपुर फिल्म फेस्टिभल’ हुने

‘भक्तपुर फिल्म फेस्टिभल’ हुने

बिहीबार, फागुन २८, २०८२ रंगसंसार

भक्तपुरमा ‘भक्तपुर फिल्म फेस्टिभल’ आयोजना हुने भएको छ । आगामी चैत ६ र ७ गते ‘भक्तपुर फिल्म फेस्टिभल’ महोत्सवमा हुने भएको छ ।

भक्तपुरका युवा फिल्मकर्मीहरू सफल वैद्य, किरण किलम्बु,स्मित गिरी, सक्षम केसी, विकेश प्रजापति, प्रवीण टक्की लगायतको समूहले यो महोत्सव आयोजना गर्न लागेको हो । महोत्सवका निर्देशक किरण किलम्बू रहेका छन् ।

२ दिने यो महोत्सवमा २४ फिल्म देखाइनेछन् । नवीन सुब्बा निर्देशित ‘गाउँ आएको बाटो’ देखाउँदै महोत्सव सुरु हुनेछ । महोत्सवमा सुजित बिडारी निर्देशित ‘ऐना झ्यालको पुतली’ देखि अङ्कित पौडेलको ‘सङ्ग अफ क्लाउड्स’, किरण श्रेष्ठको ‘एट एनोदर विन्टर’, राजन कठेत र सुनीर पाण्डे निर्देशित डकुमेन्ट्री ‘ढोरपाटन’ लगायतका फिल्महरू देखाइनेछन् । सन्देश भुर्तेलको डकुमेन्ट्री ‘मदर रेबिका’ भने समापन फिल्म हुनेछ । त्यस्तै, महोत्सवमा २ नेवा संस्कृति समेटिएका फिल्म ‘किजा पूजा’ र ‘नेवा बुद्धिजम इन नेपाल’ पनि प्रदर्शन हुनेछ ।

महोत्सव फिल्मकर्मी केशव पाण्डेले कथा लेखन सम्बन्धी कार्यशाला दिँदैछन् । महोत्सव सुरु हुने अघिल्लो दिन उनले यो कार्यशाला दिने भएका हुन् । महोत्सव भक्तपुरको कमल विनायकस्थित नेपाल भोकेस्नल एकेडेमीमा आयोजना हुँदैछ ।

महोत्सवका संयोजक स्मित गिरीका अनुसार स्वतन्त्र (इन्डी) फिल्मकर्मीका फिल्म र उनीहरूका फिल्मलाई प्लेटफर्म दिन पनि यो महोत्सवको आवश्यकता देखेर आफूहरूले यो महोत्सव सुरु गरेको हो ।

प्रकाशित मिति: बिहीबार, फागुन २८, २०८२ १४:२०

प्रतिक्रिया दिनुहोस्