‘भटभटे’ मा विशाल र कर्मासिंह जोडिए

फिल्म

गृहपृष्ठ
फिल्म
‘भटभटे’ मा विशाल र कर्मासिंह जोडिए

‘भटभटे’ मा विशाल र कर्मासिंह जोडिए

बिहीबार, चैत १२, २०८२ रंगसंसार

‘कमेडी नाइट विथ च्याम्पियन्स’ का निर्देशक विशाल भण्डारी र कमेडियन कर्मासिंह लामा निर्माणाधिन फिल्म ‘भटभटे’ मा कलाकारको रुपमा जोडिएका छन् । यी दुबैजनाले आ-आफ्नो भागको छायांकन सकेका छन् ।

हाल सौराहा लगायत चितवनका विभिन्न लोकेशनमा छायांकन भैरहेको यो फिल्मलाई निर्देशक लक्ष्मण पौडेलले निर्देशन गरिरहेका छन् । यो फिल्म गायनमा आधारित रियालिटी शो ‘द भ्वाइस अफ नेपाल’ को टीमले निर्माण गरिरहेको हो ।

निर्देशक लक्ष्मण पौड्यालका अनुसार फिल्ममा विशालको झन्डै १५ मिनेटको रोल हुनेछ । दर्शकले उनलाई प्रि-क्लाइमेक्सदेखि क्लाइमेक्ससम्म देख्न पाउने जनाइएको छ । उक्त टिभी कमेडी शोमा आफ्नो भर्सटाइल अभिनयमार्फत दर्शकको मन जितिरहेका लामाको भने यसमा ‘क्यामियो’ रोल हुनेछ ।

रोमकम तथा सोसल ड्रामा जनरामा बनिरहेको यो फिल्मको शीर्ष भूमिकामा अञ्जना बराइली, ‘कार्टुन्ज क्रु’का सविन कार्की, रवीन्द्र झा, प्रमोद अग्रहरि लगायतको अभिनय छ ।

प्रकाशित मिति: बिहीबार, चैत १२, २०८२ १०:२६

प्रतिक्रिया दिनुहोस्