‘स्वर्गकी परी‘मा अशोक र सृष्टि रोमान्टिक अवतारमा

फिल्म

गृहपृष्ठ
फिल्म
‘स्वर्गकी परी‘मा अशोक र सृष्टि रोमान्टिक अवतारमा

‘स्वर्गकी परी‘मा अशोक र सृष्टि रोमान्टिक अवतारमा

सोमबार, चैत ३०, २०८२ रंगसंसार

चलचित्र ‘कुम्भ’को पहिलो गीत सार्वजनिक गरिएको छ । ‘स्वर्गकी परी‘ बोलको गीतमा नवनायक अशोक आर्यन र नव नायिका सृष्टि खड्कालाई रोमान्टिक अवतारमा प्रस्तुत गरिएको छ । चलचित्रको गीत आरएए डिजिटल नेपालको आधिकारिक युट्युब च्यानलमार्फत सार्वजनिक गरिएको हो ।

काठमाडौंमा आयोजित एक कार्यक्रममार्फत गीत सार्वजनिक गरिएको हो । गीतमा अन्जु पन्त र अनुप तिवारीको स्वर रहेको छ । यस गीतमा शब्द रचना रन्धिर श्रेष्ठकै रहेको छ भने संगीत अनुप तिवारीको रहेको छ ।

गीत सार्वजनिक कार्यक्रममा चलचित्र निर्देशक समाजका अध्यक्ष जनकदीप पराजुली विशेष अतिथिको रूपमा उपस्थित थिए । रन्धिर श्रेष्ठको लेखन तथा निर्देशनमा बनेको चलचित्र ‘कुम्भ’ आगामी जेठ १५ गतेदेखि प्रदर्शनमा आउने तयारीमा रहेको छ ।

ए रस प्रोडक्सनको ब्यानरमा निर्माण भएको ‘कुम्भ’ नेपाली र हिन्दी दुवै भाषामा प्रदर्शन गरिने जनाइएको छ । चलचित्रमा दक्षिण भारतीय कलाकार सुरेन्द्र ठाकुरको समेत अभिनय रहेको छ । यस चलचित्रमा नवनायक अशोक आर्यन, सृष्टि खड्का, सुनिल थापा, सुशील पोखरेल, रोहित रुम्बा लगायत अन्य कलाकारहरुको अभिनय रहेको छ ।

प्रकाशित मिति: सोमबार, चैत ३०, २०८२ १६:०५

प्रतिक्रिया दिनुहोस्