‘सधैँ तिमी’ दर्शकमाझ

म्यूजिक

गृहपृष्ठ
म्यूजिक
‘सधैँ तिमी’ दर्शकमाझ

‘सधैँ तिमी’ दर्शकमाझ

बिहीबार, वैशाख ३, २०८३ रंगसंसार

नेपाली सांगीतिक बजारमा गीतकार डब्बु क्षत्रीको शब्द तथा निर्देशनमा तयार गरिएको नयाँ गीत ‘सधैँ तिमी’को भिडियो सार्वजनिक गरिएको छ । नयाँ वर्ष २०८३ को अवसर पारेर गीत दर्शकमाझ ल्याइएको हो ।

गीतमा गायक यम बराल र गायिका सरिता भारतीको स्वर रहेको छ भने संगीत तथा संगीत संयोजन ओम सुनारले गरेका छन् । गीतकार क्षत्रीले नै भिडियो निर्देशन गरेका यस गीतमा प्रेमी–प्रेमिकाबीचको नोकझोक र भावनात्मक सम्बन्धलाई रोचक ढंगले प्रस्तुत गरिएको छ ।

भिडियोको छायांकन बंगलादेशको बोगुरास्थित पर्यटकीय क्षेत्रमा गरिएको हो। बोगुरा अन्तर्राष्ट्रिय चलचित्र महोत्सवमा सहभागी हुने क्रममा सो स्थानमा भिडियो छायांकन गरिएको गीतकार क्षत्रीले जानकारी दिएका छन् ।

गीतको भिडियोमा गायिका तथा मोडल सरिता भारती र अभिनेता प्रवण भुसालको अभिनय देख्न सकिन्छ। उनीहरूको जोडीलाई दर्शकले आकर्षक रूपमा ग्रहण गर्ने अपेक्षा गरिएको छ । भिडियो एसबी क्रिएसनको अफिसियल पेजमार्फत सार्वजनिक गरिएको हो ।

विलक्षण क्रियसनको प्रस्तुति रहेको भिडियो बंगलादेशका छायाँकार सरकार सुजनले खिचेका हुन् । अजय दास र जियाद खन्डोकरले ड्रोन छायांकन गरेका छन् भने सम्पादन वीरेन्द्र भाट ‘विपिन’ र ग्राफिक्स लोकेस भाटले गरेका छन्। भिडियोकी निर्माता युविका बुढाथोकी रहेकी छन् ।

गीतकार क्षत्रीका अनुसार ‘सधैँ तिमी’मा नेपाली मौलिक तथा ठेट शब्दहरूको प्रयोग गरिएको छ। लोक लयमा आधारित गीत भएकाले सरल र झर्रा शब्दलाई प्राथमिकता दिइएको उनले बताएका छन् ।

प्रकाशित मिति: बिहीबार, वैशाख ३, २०८३ १६:५७

प्रतिक्रिया दिनुहोस्