‘गुरु आमा’को टिजर सार्वजनिक

फिल्म

गृहपृष्ठ
फिल्म
‘गुरु आमा’को टिजर सार्वजनिक

‘गुरु आमा’को टिजर सार्वजनिक

आइतबार, वैशाख ६, २०८३ रंगसंसार

नेपाली चलचित्र ‘गुरु आमा’को टिजर सार्वजनिक गरिएको छ । निर्देशक तथा निर्माता प्रेम सोनी सुनारको आधिकारिक युट्युब च्यानलमार्फत सार्वजनिक गरिएको टिजरमा चलचित्रको कथावस्तुको आकर्षक झल्को प्रस्तुत गरिएको छ ।

सार्वजनिक टिजरले गुरु र विद्यार्थीबीचको सम्बन्ध, शिक्षामार्फत प्रदान गरिने जीवन उपयोगी सन्देश तथा समसामयिक सामाजिक सन्दर्भलाई समेटेको देखिन्छ । टिजरमा अधिकांश कलाकारहरूको उपस्थिति देखिएकाले कथा बहुआयामिक रूपमा अघि बढ्ने संकेत गरिएको छ ।

चलचित्रमा शीर्ष भूमिका ‘गुरु आमा’को रूपमा मिथिला शर्मा देखिएकी छन् । उनीसँगै गौरी मल्ल, बुद्धि तामाङ र टीका सानु लगायतका कलाकारहरूको अभिनय रहेको छ । यसअघि चलचित्रका पोस्टरहरू सार्वजनिक भइसकेका छन् । चलचित्रको कथा, निर्देशन तथा निर्माण प्रेम सोनी सुनार स्वयंले गरेको हो ।

निर्देशक सुनारका अनुसार चलचित्रको ट्रेलरसमेत छिट्टै सार्वजनिक गरिनेछ । सामाजिक सन्देश बोकेको कथामा आधारित ‘गुरु आमा’ले शिक्षाको महत्व र गुरु–शिष्य सम्बन्धलाई नयाँ ढंगले प्रस्तुत गर्ने अपेक्षा गरिएको छ । यस चलचित्र आगामी वैशाख २५ गतेदेखि प्रदर्शनमा आउने तयारीमा रहेको छ ।

प्रकाशित मिति: आइतबार, वैशाख ६, २०८३ १४:०८

प्रतिक्रिया दिनुहोस्