‘एक मुठी बादल’मा गौरवको नयाँ रुप

फिल्म

गृहपृष्ठ
फिल्म
‘एक मुठी बादल’मा गौरवको नयाँ रुप

‘एक मुठी बादल’मा गौरवको नयाँ रुप

बिहीबार, वैशाख १०, २०८३ रंगसंसार

नेपाली फिल्म क्षेत्रमा उदाउँदै गरेका अभिनेता गौरव बिष्टले छोटो समयमै उल्लेखनीय पहिचान बनाउन सफल भएका छन् । रंगमञ्चबाट अभिनय यात्रा सुरु गरेका उनले फिल्म क्षेत्रमा पनि बलियो उपस्थिति जनाइरहेका छन् ।

दुई वर्षअघि ‘परस्त्री’बाट फिल्मी डेब्यु गरेका गौरव अब नयाँ फिल्म ‘एक मुठी बादल’मार्फत दर्शकमाझ आउन लागेका छन् । यस फिल्ममा उनी अभिनेत्री आँचल शर्मासहित अन्य कलाकारहरूसँग अभिनय गर्दैछन् ।

हालै सार्वजनिक भएको ‘एक मुठी बादल’को क्यारेक्टर पोस्टरमा गौरवको फरक अवतार देख्न सकिन्छ । सार्वजनिक तस्बिरहरूमा उनको वास्तविक जीवनको लुक र फिल्ममा प्रस्तुत गरिएको पात्रबीच स्पष्ट भिन्नता झल्किएको छ ।

विशेषगरी, यस भूमिकाका लागि उनले करिब ९ केजी तौल घटाएका छन् । पात्रमा पूर्ण रूपमा ढल्न उनले कडा मेहनत गर्दै आफ्नो शारीरिक बनावट नै परिवर्तन गरेका हुन्। यसले उनको अभिनयप्रतिको समर्पण झल्काउँछ ।

अब गौरवको यस मेहनतले दर्शकबाट कस्तो प्रतिक्रिया पाउँछ भन्ने कुरा फिल्म जेठ १ गते प्रदर्शनमा आएपछि थाहा हुनेछ ।

प्रकाशित मिति: बिहीबार, वैशाख १०, २०८३ १५:०६

प्रतिक्रिया दिनुहोस्