‘ओ डार्लिङ काले काले छौ’मा प्रभात र अस्मिता

म्यूजिक

गृहपृष्ठ
म्यूजिक
‘ओ डार्लिङ काले काले छौ’मा प्रभात र अस्मिता

‘ओ डार्लिङ काले काले छौ’मा प्रभात र अस्मिता

आइतबार, वैशाख १३, २०८३ रंगसंसार

नेपाली संगीत क्षेत्रमा ‘ओ डारलिङ काले काले छौ’ गीत एक विशेष समारोहका बीच सार्वजनिक गरिएको छ । पश्चिमेली फ्लेभरमा आधारित यो गीतले समकालीन संगीतप्रेमीलाई फरक अनुभूति दिने अपेक्षा गरिएको छ ।

बिक्रम चौहानको निर्देशनमा बनेको गीतको भिडियोमा प्रभात पल ठकुरी र अस्मिता जुरेलीको नृत्य तथा अभिनयलाई देख्न सकिन्छ । यस गीत गीतकार तथा उच्च अदालतका पूर्व न्यायाधीश भीमकुमार ओझाको आधिकारिक युट्युब च्यानलमार्फत सार्वजनिक गरिएको हो ।

सार्वजनिक कार्यक्रम सुमधुर र संगीतमय वातावरणमा सम्पन्न भएको थियो । विशेषगरी गायिका जुनु प्रसाईको जन्मदिनसँग जुरेको अवसरले कार्यक्रमलाई अझ उल्लासपूर्ण बनाएको थियो । उपस्थित अतिथि र संगीतप्रेमीहरूले गीत विमोचनसँगै जन्मदिनको खुशी साट्दा कार्यक्रम आत्मीय र उत्साहजनक बनेको देखिन्थ्यो ।

पश्चिमेली संगीतको प्रभाव र आधुनिक प्रस्तुतीकरणले गीतलाई अझ आकर्षक बनाएको छ । गायक सन्तोष विसी र गायिका जुनु प्रसाईको स्वर रहेको यस गीतका शब्द तथा सिर्जना रमेश परियारले गरेका हुन् ।

कार्यक्रममा गीतकार ओझाले गीतको विषयमा प्रकाश पार्दै उपस्थित सबैलाई स्वागत तथा धन्यवाद ज्ञापन गरेका थिए । साथै, यस्तो नवीन शैलीको प्रस्तुतीकरणले नेपाली संगीतलाई अन्तर्राष्ट्रिय स्तरसम्म पुर्‍याउन महत्वपूर्ण योगदान दिने विश्वास पनि व्यक्त गरिएको छ।

प्रकाशित मिति: आइतबार, वैशाख १३, २०८३ ११:१४

प्रतिक्रिया दिनुहोस्