‘अक्षरा’ निर्माण हुँदै

फिल्म

गृहपृष्ठ
फिल्म
‘अक्षरा’ निर्माण हुँदै

‘अक्षरा’ निर्माण हुँदै

मंगलबार, वैशाख १५, २०८३ रंगसंसार

निर्देशक बिनयराज पौडेलको निर्देशनमा नयाँ नेपाली चलचित्र ‘अक्षरा’ निर्माण हुने भएको छ । निर्माण टिमले मंगलबार फिल्मको शीर्षकसँगै यसको थिम पोस्टर सार्वजनिक गर्दै औपचारिक घोषणा गरेको हो ।

सार्वजनिक पोस्टरमा एक महिला बिहानको समयमा झोला बोकेर कतैतर्फ हिँडिरहेको दृश्य देखाइएको छ । पोस्टरले फिल्मको वातावरण गम्भीर र रहस्यमय रहेको संकेत गर्छ, जसका आधारमा यो नारीप्रधान कथामा आधारित हुन सक्ने अनुमान गरिएको छ ।

राजन दुलाल प्रस्तुतकर्ता रहेको फिल्ममा उग्रसेन ढुंगाना र सुरज थापा निर्माता रहेका छन् । चलचित्रको कथा स्वयं निर्माता उग्रसेन ढुंगानाले लेखेका हुन् भने पटकथा अभिमन्यु निरवीले तयार पारेका छन् ।

क्षित बाबु प्रोडक्सन हाउसको प्रस्तुतिमा निर्माण हुन लागेको यस चलचित्रको छायांकन आगामी वैशाख २७ गतेबाट सुरु गरिने निर्माण पक्षले जनाएको छ । यद्यपि, फिल्मका कलाकारहरूको नाम भने हालसम्म गोप्य राखिएको छ । निर्माण टिमले कलाकार सार्वजनिक नगरी दर्शकमाझ उत्सुकता बढाउने रणनीति अपनाएको देखिन्छ ।

निर्देशक बिनयराज पौडेलका लागि ‘अक्षरा’ डेब्यु निर्देशन फिल्म हो। यसअघि उनले नेपाली चलचित्र क्षेत्रमा मुख्य सहायक निर्देशकका रूपमा लामो समय काम गरिसकेका छन् । त्यही अनुभवलाई आधार बनाएर उनले यो फिल्ममार्फत निर्देशकको रूपमा आफ्नो यात्रा सुरु गर्न लागेका हुन् ।

प्रकाशित मिति: मंगलबार, वैशाख १५, २०८३ १३:११

प्रतिक्रिया दिनुहोस्