‘जति माया दिए पनि’ सार्वजनिक

म्यूजिक

गृहपृष्ठ
म्यूजिक
‘जति माया दिए पनि’ सार्वजनिक

‘जति माया दिए पनि’ सार्वजनिक

बिहीबार, वैशाख १७, २०८३ रंगसंसार

गीतकार राधा भण्डारीको शब्दमा तयार गीत ‘जति माया दिए पनि’ एक कार्यक्रमबीच औपचारिक रूपमा सार्वजनिक गरिएको छ । गीतकार संघ नेपालको आयोजनामा सम्पन्न कार्यक्रममा अध्यक्ष बसन्त वित्यासी थापाको सभापतित्व र कवि–गीतकार एसपी कोइरालाको प्रमुख आतिथ्यता रहेको थियो ।

कार्यक्रममा संघका उपाध्यक्ष रमेश कोइरालाले स्रष्टाका सिर्जना सार्वजनिक गर्न पाएकोमा खुसी व्यक्त गरे भने राधा भण्डारीले आफ्नो लेखन यात्राको अनुभव सुनाउँदै २०६१ सालमै लेखिएको गीत अहिले रेकर्ड भएको जानकारी दिइन् । उनले आगामी दिनमा आफ्ना सिर्जनालाई संग्रहित गर्ने लक्ष्य पनि व्यक्त गरिन् ।

संगीतकार सन्तोष श्रेष्ठले भण्डारीको लेखनलाई अब्बल र भावनात्मक रूपमा सशक्त बताए । भिडियोका मोडल कृष्ण केसीले नयाँ भएर पनि राम्रो सहकार्य पाएको अनुभव सुनाए भने प्रस्तुतकर्ता प्रमोद भण्डारीले नारी स्रष्टालाई प्रोत्साहन आवश्यक रहेको धारणा राखे ।

कार्यक्रममा राधेश्याम लेकाली, राजु सिंह, शुभ मुकारुङ लगायतले पनि शुभकामना दिँदै गीत लेखन चुनौतीपूर्ण भए पनि निरन्तरता आवश्यक रहेको बताए । प्रमुख अतिथि एसपी कोइरालाले छोटो समयमा गहिरो भाव प्रस्तुत गर्नुपर्ने भएकाले गीत लेखन कठिन हुने उल्लेख गर्दै स्रष्टालाई निरन्तर सिर्जनामा लागिरहन प्रेरित गरे ।

विभिन्न स्रष्टा र संगीतकर्मीहरूको उपस्थितिमा सम्पन्न कार्यक्रममा गीतको अडियो–भिडियो सार्वजनिक गरिएको हो ।

प्रकाशित मिति: बिहीबार, वैशाख १७, २०८३ ११:०६

प्रतिक्रिया दिनुहोस्