‘तिमी मेरो म तिम्रो’ बन्ने

फिल्म

गृहपृष्ठ
फिल्म
‘तिमी मेरो म तिम्रो’ बन्ने

‘तिमी मेरो म तिम्रो’ बन्ने

आइतबार, वैशाख २०, २०८३ रंगसंसार

निर्देशक घनश्याम लामिछानेले नयाँ चलचित्र निर्देशन गर्ने घोषणा गरेका छन् । सन्तोष अधिकारी फिल्म्सको ब्यानरमा निर्माण हुन लागेको ‘तिमी मेरो म तिम्रो’ नामक चलचित्र उनले निर्देशन गर्न लागेका हुन् ।

राजधानीमा आयोजित एक कार्यक्रममार्फत फिल्मको औपचारिक घोषणा गरिएको हो । निर्देशक लामिछानेका अनुसार चलचित्र शुद्ध प्रेमकथामा आधारित हुनेछ । नेपाली फिल्म क्षेत्रमा प्रेमकथामा केन्द्रित चलचित्रहरू अपेक्षाकृत कम बनिरहेका बेला दर्शकको रुचिलाई ध्यानमा राख्दै यो परियोजना अघि बढाइएको उनले बताए ।

चलचित्रमा भुवन केसी, अर्जुनजंग शाही, जितु नेपाल, सन्तोष अधिकारी, रियान गिरी तथा नवअभिनेत्री प्रतिमा थापालगायत कलाकारहरूको मुख्य भूमिका रहनेछ । फिल्मको संगीत युग भुसालले तयार पार्नेछन् ।

आस्प इन्टरटेनमेन्ट अस्ट्रेलियाको प्रस्तुति रहने यस चलचित्रका सह(निर्मातामा राज श्रेष्ठ र आशिष थापा मगर छन् । नरेन्द्र मैनालीले छायांकन (डीओपी) गर्ने यस चलचित्रको कथा तथा पटकथा मनीष गौतमले लेखेका हुन् । सन्तोष अधिकारी कार्यकारी निर्माता हुन् भने तेजविक्रम केसी लाइन प्रोडुसरका रूपमा रहेका छन् ।

प्रकाशित मिति: आइतबार, वैशाख २०, २०८३ ११:४५

प्रतिक्रिया दिनुहोस्