‘सिठ्ठी बजाउँदै’’मा राहुल र प्रियंका

म्यूजिक

गृहपृष्ठ
म्यूजिक
‘सिठ्ठी बजाउँदै’’मा राहुल र प्रियंका

‘सिठ्ठी बजाउँदै’’मा राहुल र प्रियंका

शुक्रबार, जेठ १, २०८३ रंगसंसार

नेपाली सांगीतिक बजारमा गायक राहुल श्रेष्ठ र गायिका एलिना चौहानको स्वरमा सजिएको नयाँ डान्सिङ नम्बर ‘सिठ्ठी बजाउँदै’ सार्वजनिक गरिएको छ । राजधानीस्थित रञ्जना सिनेप्लेक्समा आयोजित विशेष समारोहबीच गीतको भिडियो सार्वजनिक गरिएको हो ।

कार्यक्रममा चलचित्र निर्देशक समाजका अध्यक्ष जनकदीप पराजुली विशेष अतिथिका रूपमा सहभागी भएका थिए। साथै कला, संस्कृति तथा सञ्चार क्षेत्रका विभिन्न व्यक्तित्वहरूको उल्लेख्य उपस्थिति रहेको थियो ।

गीतमा जगत तिरुवा को शब्द, संगीत तथा र्‍याप समावेश गरिएको छ भने जीवन बडुले एरेन्ज, मिक्सिङ र मास्टरिङको काम गरेका छन् । भिडियोका निर्माता रण्जित कुमार चौधरी र रीत बहादुर श्रेष्ठ हुन् ।

भिडियोमा अभिनेत्री प्रियंका कार्की र गायक राहुल श्रेष्ठको आकर्षक प्रस्तुति तथा ऊर्जावान नृत्य देख्न सकिन्छ । विशेषगरी राहुल र प्रियंकाबीचको केमेस्ट्रीले भिडियोलाई थप रोचक बनाएको छ । लामो समयपछि राहुल श्रेष्ठ यस म्युजिक भिडियोमार्फत पुनः दर्शकमाझ आएका हुन् ।

भिडियोको कोरियोग्राफी कबिराज गहतराज ले गरेका हुन् भने दावा बल तामाङ सह–कोरियोग्राफरका रूपमा रहेका छन् । सौरभ लामाको छायांकन रहेको भिडियोमा सम्पादन तथा कलर ग्रेडिङ मनोज कार्कीले गरेका छन् । निर्देशन देव कुमार श्रेष्ठ ले गरेका हुन् ।

प्रकाशित मिति: शुक्रबार, जेठ १, २०८३ १०:२३

प्रतिक्रिया दिनुहोस्