‘मायाको डोरीले मलाई’ दर्शकमाझ

म्यूजिक

गृहपृष्ठ
म्यूजिक
‘मायाको डोरीले मलाई’ दर्शकमाझ

‘मायाको डोरीले मलाई’ दर्शकमाझ

आइतबार, जेठ ३, २०८३ रंगसंसार

नेपाली सांगीतिक बजारमा गीतकार गीता खत्रीको शब्द सिर्जना रहेको नयाँ गीत ‘मायाको डोरीले मलाई’ सार्वजनिक गरिएको छ । सार्वजनिक गीतमा संगीतरत्न शम्भूजित बास्कोटाको संगीत रहेको छ भने लोकप्रिय गायिका रचना रिमालले स्वर दिएकी छन् । गीतको संगीत संयोजन दिक्षित पौडेलले गरेका हुन् ।

तीन दशकभन्दा लामो समयदेखि गीतसंगीत र साहित्य क्षेत्रमा सक्रिय रहँदै आएकी गीतकार खत्रीका ‘स्वीकृति’, ‘त्रिवेणी’ र ‘यात्री’ लगायतका एल्बम सार्वजनिक भइसकेका छन् । उनका दर्जनौं गीतहरू रेकर्ड भइसकेका छन् । कथा, कविता, नियात्रा, उपन्यास र गीत विधामा कलम चलाउँदै आएकी खत्री रामगीता वाङ्मय मन्दिरकी अध्यक्ष तथा अन्तर्राष्ट्रिय नेपाली साहित्य समाजकी पूर्वअध्यक्षसमेत हुन् । उनले विभिन्न सामाजिक संघसंस्थामार्फत पनि योगदान दिँदै आएकी छन् ।

गीतको भिडियोमा दिक्पाल कार्की र सुरक्षा इट्नीको अभिनय देख्न सकिन्छ । भिडियोको निर्देशन कृष्णदेव रुपाखेतीले गरेका हुन् भने छायांकन उत्सव दाहालले गरेका छन् । भिडियोको सम्पादन मीन रावलले गरेका हुन् ।

‘मायाको डोरीले मलाई’ गीतको भिडियो भकारी म्युजिक डेभलपमेन्ट कम्पनीको आधिकारिक युट्युब च्यानल ‘बेस्ट टोन म्युजिक’मार्फत सार्वजनिक गरिएको हो ।

प्रकाशित मिति: आइतबार, जेठ ३, २०८३ ११:१०

प्रतिक्रिया दिनुहोस्