‘गाजल टिकी–२’मा पल र मलिका

म्यूजिक

गृहपृष्ठ
म्यूजिक
‘गाजल टिकी–२’मा पल र मलिका

‘गाजल टिकी–२’मा पल र मलिका

आइतबार, जेठ ३, २०८३ रंगसंसार

अभिनेता पल शाह र अभिनेत्री मलिका महत अभिनित गीत ‘गाजल टिकी–२’ को म्युजिक भिडियो सार्वजनिक गरिएको छ । यसअघि सार्वजनिक भएको ‘गाजल टिकी’ दर्शकले यो जोडीलाई अत्यधिक रुचाएका थिए । पहिलो संस्करणमा एकदेव लिम्बुको स्वर रहेको थियो भने नयाँ संस्करणमा सन्तोष सुनारको स्वर सुन्न सकिन्छ ।

प्रेमिल जोडीका रूपमा पल शाह र मलिका महतको अभिनयलाई दर्शकले रुचाइरहेका छन् । भिडियो सार्वजनिक भएलगत्तै सामाजिक सञ्जालमा सकारात्मक प्रतिक्रिया आउन थालेका छन् । ‘गाजल टिकी’ को पहिलो संस्करण लोकप्रिय बनेपछि यसको दोस्रो भागप्रति पनि दर्शकको उत्साह देखिएको छ।

कथाअनुसार मलिकाको कुण्डलीमा कालदोष देखिएपछि पल डर र चिन्तामा बाँचेका हुन्छन् । तर गीतले साँचो प्रेमले भाग्य र समयलाई समेत बदल्न सक्छ भन्ने सन्देश दिन खोजेको छ । मायाले जुनसुकै बाधा र दशालाई जित्न सक्ने भाव भिडियोमा प्रस्तुत गरिएको छ ।

गीतमा सन्तोष सुनारकै शब्द तथा संगीत रहेको छ। संगीत संयोजन एएनएक्स म्युजिकले गरेको हो भने मिक्सिङ तथा मास्टरिङ बृजेश श्रेष्ठले गरेका छन् । भिडियोमा राजीव समरको कोरियोग्राफी, बुद्ध थापाको छायांकन तथा शान थापाको निर्देशन रहेको छ ।

८के एभरेस्ट मोशन पिक्चर्सको युट्युब च्यानलमार्फत ‘गाजल टिकी–२’ को म्युजिक भिडियो सार्वजनिक गरिएको छ ।

प्रकाशित मिति: आइतबार, जेठ ३, २०८३ १६:३१

प्रतिक्रिया दिनुहोस्