नवौँ ‘राष्ट्रिय रनिङ शिल्ड दोहोरी गीत प्रतियोगिता’ हुने

म्यूजिक

गृहपृष्ठ
म्यूजिक
नवौँ ‘राष्ट्रिय रनिङ शिल्ड दोहोरी गीत प्रतियोगिता’ हुने

नवौँ ‘राष्ट्रिय रनिङ शिल्ड दोहोरी गीत प्रतियोगिता’ हुने

सोमबार, जेठ ४, २०८३ रंगसंसार

नवौँ ‘राष्ट्रिय रनिङ शिल्ड दोहोरी गीत प्रतियोगिता २०८३’ आगामी जेठ २९ देखि ३१ गतेसम्म नुवाकोटमा आयोजना हुने भएको छ । राष्ट्रिय लोक तथा दोहोरी गीत प्रतिष्ठानको हालै बसेको बैठकले विदुर नगरपालिका, नुवाकोटमा प्रतियोगिता गर्ने निर्णय गरेको हो । बैठक प्रतिष्ठानकी अध्यक्ष रिता थापा मगर को अध्यक्षतामा सम्पन्न भएको थियो ।

हरेक वर्ष नियमित रूपमा सञ्चालन हुँदै आएको प्रतियोगिता यस वर्ष पनि निरन्तरता पाएको प्रतिष्ठानले जनाएको छ । लोक तथा दोहोरी क्षेत्रमा नयाँ तथा उदाउँदा प्रतिभालाई प्रोत्साहन गर्ने उद्देश्यले कार्यक्रम आयोजना गर्न लागिएको हो ।

गत वर्ष चितवनमा सम्पन्न भएको प्रतियोगिताले कलाकारहरूबीच सिर्जनात्मक प्रतिस्पर्धा बढाउनुका साथै लोकसंस्कृतिको संरक्षण र प्रवर्द्धनमा टेवा पुगेको आयोजकको विश्वास छ । यसपटक नुवाकोटमा आयोजना हुने प्रतियोगिताले स्थानीय कला, संस्कृति र लोकपरम्परालाई थप उजागर गर्ने अपेक्षा गरिएको छ ।

प्रकाशित मिति: सोमबार, जेठ ४, २०८३ १६:१९

प्रतिक्रिया दिनुहोस्