विकास मानन्धरको ‘पिरती’ दर्शकमाझ

म्यूजिक

गृहपृष्ठ
म्यूजिक
विकास मानन्धरको ‘पिरती’ दर्शकमाझ

विकास मानन्धरको ‘पिरती’ दर्शकमाझ

मंगलबार, जेठ ५, २०८३ रंगसंसार

गायक विकास मानन्धर को नयाँ गीत ‘पिरती’को भिडियो सार्वजनिक गरिएको छ । विकासकै शब्द तथा संगीत रहेको गीतमा गायिका रेइशा मिश्र ले स्वरमा साथ दिएकी छन् ।

गीतको संगीत संयोजन बिजेश्वर राज तण्डुकार ले गरेका हुन् भने तास स्टुडियोले मिक्सिङ र मास्टरिङ गरेको छ । गीत विकासको आधिकारिक युट्युब च्यानलमार्फत सार्वजनिक गरिएको हो ।

भिडियोमा कलाकार आकांक्षा जोशी र विजेन मगर को अभिनय देख्न सकिन्छ । कालिन्चोकको रमणीय दृश्यमा छायांकन गरिएको भिडियोमा उनीहरूको रोमान्टिक प्रेमभावलाई प्रस्तुत गरिएको छ ।

भिडियोको निर्देशन सजन कट्टेल ले गरेका छन् भने छायांकन सौरभ लामा को रहेको छ । सम्पादन रामप्रसाद चौधरी ले गरेका हुन् । साथै, रेनिस फागोले प्रोजेक्ट लिड तथा कलर ग्रेडिङको जिम्मेवारी सम्हालेका छन् भने भीएफएक्स समीर मियाँ र सत्यम रानाले गरेका छन् ।

मकवानपुरको हेटौंडा स्थायी घर भएका विकास हाल ब्रिसबेन, अष्ट्रेलिया मा बसोबास गर्दै आएका छन् । ‘पिरती’ युट्युबसहित विभिन्न डिजिटल संगीत प्लेटफर्ममा उपलब्ध रहेको छ ।

गायक विकासका अनुसार गीतले दुई मुटुबीचको शान्त र आत्मीय प्रेमकथालाई चित्रण गरेको छ । उनले यसअघि ‘मन’ बोलको गीत पनि सार्वजनिक गरिसकेका छन् ।

प्रकाशित मिति: मंगलबार, जेठ ५, २०८३ १३:२६

प्रतिक्रिया दिनुहोस्