सुमन दाहालको भावुक उपहार ‘आमा’

म्यूजिक

गृहपृष्ठ
म्यूजिक
सुमन दाहालको भावुक उपहार ‘आमा’

सुमन दाहालको भावुक उपहार ‘आमा’

शुक्रबार, जेठ ८, २०८३ रंगसंसार

अमेरिकामा बसोबास गर्दै आएका युवा निर्देशक सुमन दाहालले आफ्नी आमाको जन्मदिनको अवसर पारेर ‘आमा’ शीर्षकको भावनात्मक म्युजिक भिडियो सार्वजनिक गरेका छन् । आमाप्रतिको प्रेम, सम्मान र कृतज्ञतालाई संगीत तथा दृश्यमार्फत प्रस्तुत गरिएको भिडियोले दर्शकको मन छुने प्रयास गरेको छ ।

भिडियोमा सुमनले आफ्नै परिवारका सदस्यलाई अभिनय गराएका छन्, जसले कथालाई अझ यथार्थ र आत्मीय बनाएको छ । आमाको भूमिकामा तुलसीदेवी दाहाल देखिएकी छन् भने अन्य भूमिकामा मन्दिरा दाहाल, भुवन लोहानी, गरिमा पाण्डे, सम्राट दाहाल र सुजिता सिटौला लगायतको अभिनय रहेको छ ।

गीतका शब्द तथा निर्देशन सुमन दाहालकै रहेको छ । गीतमा प्रमोद खरेल र समीक्षा अधिकारीको स्वर, वसन्त सापकोटाको संगीत तथा राजु कार्कीको संगीत संयोजन रहेको छ । भिडियोको छायांकन राजु केसी र सम्पादन भूपेन्द्र अधिकारीले गरेका हुन् ।

‘आमा’ म्युजिक भिडियोले केवल मनोरञ्जन मात्र नभई आमाप्रतिको माया र सम्मानलाई भावुक ढंगले प्रस्तुत गरेको छ । सुमनले आफ्नी आमालाई दिएको यो सिर्जनात्मक उपहारले धेरै सन्तानलाई आफ्नी आमाको सम्झनामा भावुक बनाउने विश्वास गरिएको छ ।

प्रकाशित मिति: शुक्रबार, जेठ ८, २०८३ १०:३९

प्रतिक्रिया दिनुहोस्