‘झिम झिम’ सार्वजनिक

म्यूजिक

गृहपृष्ठ
म्यूजिक
‘झिम झिम’ सार्वजनिक

‘झिम झिम’ सार्वजनिक

आइतबार, जेठ १०, २०८३ रंगसंसार

नेपाली सांगीतिक क्षेत्रमा सक्रिय गायक तथा सर्जक बियोन्ड को नयाँ गीत ‘झिम झिम’ सार्वजनिक गरिएको छ । काठमाडौंमा आयोजित एक कार्यक्रममार्फत एफएसडी फिल्मस्को प्रस्तुति रहेको गीतको भिडियो सार्वजनिक गरिएको हो । गीत सार्वजनिक भएसँगै दर्शक तथा संगीतप्रेमीबाट सकारात्मक प्रतिक्रिया प्राप्त हुन थालेको बताइएको छ ।

रोमान्टिक भावमा आधारित गीतमा शब्द बियोन्डकै रहेको छ भने संगीत ब्रिजेश श्रेष्ठ ले तयार गरेका हुन् । गीतले समकालीन युवापुस्ताको प्रेम र भावनालाई आधुनिक शैलीमा प्रस्तुत गर्ने प्रयास गरेको निर्माण टिमले जनाएको छ ।

गीतको भिडियो पी माधव ले निर्देशन गरेका हुन् । भिडियोमा बियोन्डसँगै निशा श्रेष्ठ को अभिनय देख्न सकिन्छ । कोरियोग्राफी दिपिका तामाङ ले गरेकी हुन् । भिडियोको डिओपी विवेक मगर रहेका छन् भने छायांकन योन्जन र सम्पादन सोवित मगर ले गरेका हुन् ।

गीत सार्वजनिक कार्यक्रममा कला, संगीत र सञ्चार क्षेत्रका विभिन्न व्यक्तित्वहरूको उपस्थिति रहेको थियो । कार्यक्रममा वक्ताहरूले नयाँ पुस्ताका कलाकारहरूले नेपाली संगीत क्षेत्रमा सिर्जनात्मक काम गरिरहेको उल्लेख गर्दै ‘झिम झिम’ ले पनि दर्शकमाझ राम्रो स्थान बनाउने विश्वास व्यक्त गरेका थिए ।

कार्यक्रममा बोल्दै बियोन्डले आगामी दिनमा पनि फरक स्वादका सिर्जना लिएर आउने प्रतिबद्धता व्यक्त गरेका छन् । हाल ‘झिम झिम’ विभिन्न डिजिटल प्लेटफर्ममार्फत सार्वजनिक भइसकेको छ ।

प्रकाशित मिति: आइतबार, जेठ १०, २०८३ १४:२४

प्रतिक्रिया दिनुहोस्