‘मेरो आफ्नै संसार’ दर्शकमाझ

म्यूजिक

गृहपृष्ठ
म्यूजिक
‘मेरो आफ्नै संसार’ दर्शकमाझ

‘मेरो आफ्नै संसार’ दर्शकमाझ

आइतबार, जेठ १७, २०८३ रंगसंसार

सर्जक शंकर पाण्डे ‘मुक्ति’को प्रस्तुति रहेको नयाँ गीत ‘मेरो आफ्नै संसार’ मानव सेवा आश्रममा आयोजित विशेष समारोहबीच सार्वजनिक गरिएको छ । चलचित्र विकास बोर्डका अध्यक्ष दिनेश डिसी प्रमुख अतिथि रहेको कार्यक्रममा गीतले जीवन, परिवार, सम्बन्ध र आफ्नोपनको भावलाई संवेदनशील रूपमा प्रस्तुत गरेको बताइएको छ ।

मुक्तिको शब्द, गायक प्रमोद खरेलको स्वर तथा संगीतकार सन्तोष श्रेष्ठको संगीत रहेको गीतको भिडियो माधवराज खरेलले निर्देशन गरेका हुन् । भिडियोमा दीपेन्द्र सोनम, समिया कार्की, ज्योत्स्ना घिमिरे, रश्मि भट्ट, वसन्तराज रिजाललगायत कलाकारको अभिनय रहेको छ ।

कार्यक्रममा बोल्दै मुक्तिले गीतलाई मनोरञ्जनसँगै सामाजिक उत्तरदायित्वको भावनाले निर्माण गरिएको बताउँदै आम्दानीको केही हिस्सा समाजसेवामा खर्च गरिने जानकारी दिए । कार्यक्रममा सहभागी अतिथिहरूले गीत तथा भिडियोको प्रशंसा गर्दै यसले नेपाली संगीत क्षेत्रमा सकारात्मक सन्देश प्रवाह गर्ने विश्वास व्यक्त गरेका थिए ।

समारोहको अन्त्यमा गीत तथा भिडियो निर्माणमा योगदान पुर्‍याउने व्यक्तित्वहरूलाई सम्मान गरिएको थियो । पारिवारिक संवेदना, सामाजिक चेतना र सांगीतिक मिठासको संयोजन रहेको ‘मेरो आफ्नै संसार’ले दर्शक तथा श्रोतामाझ विशेष स्थान बनाउने अपेक्षा निर्माण टिमले गरेको छ ।

प्रकाशित मिति: आइतबार, जेठ १७, २०८३ १२:३६

प्रतिक्रिया दिनुहोस्