‘म फर्की आउँला’ सार्वजनिक

म्यूजिक

गृहपृष्ठ
म्यूजिक
‘म फर्की आउँला’ सार्वजनिक

‘म फर्की आउँला’ सार्वजनिक

आइतबार, जेठ १७, २०८३ रंगसंसार

नेपाली सांगीतिक बजारमा नयाँ गीत ‘म फर्की आउँला’ सार्वजनिक गरिएको छ । वैदेशिक रोजगारीका कारण परिवारसँग हुने बिछोड, संघर्ष र घर फर्किने आशालाई केन्द्रमा राखेर तयार गरिएको ‘म फर्की आउँला’ ओएसआर डिजिटलमार्फत सार्वजनिक गरिएको छ । उक्त गीतमा गायक बिनोद गजमेर र गायिका सन्जिता सिंहको स्वर रहेको छ भने प्रस्तुति सिद्धान्त गजमेरको रहेको छ ।

जोगेन गजमेरको शब्द तथा संगीत रहेको गीतलाई चाँद सिंहले संगीत संयोजन गरेका छन् । गीतले परदेशिएका नेपाली युवाको पीडा, परिवारप्रतिको माया र घर फर्किने चाहनालाई मार्मिक रूपमा अभिव्यक्त गरेको छ ।

पल्लवी बीको निर्देशन तथा अवधारणामा बनेको भिडियोमा आर जे प्रबल, नीता लिम्बु र आरभ मगरको अभिनय रहेको छ । अंकित चन्दा र अनुप अद्दीन दासको छायांकन रहेको भिडियोले परदेशको संघर्षपूर्ण जीवन र गाउँघरको आत्मीय वातावरणलाई चित्रण गरेको छ ।

काठमाडौंस्थित ‘म्युजिक एण्ड भोइस’ स्टुडियोमा रेकर्ड गरिएको गीतको मिक्सिङ तथा मास्टरिङ श्यामश्वेत रसाइलीले गरेका छन् । वैदेशिक रोजगारीमा रहेका नेपालीहरूको साझा अनुभूति समेटिएको ‘म फर्की आउँला’ले दर्शक तथा श्रोतामाझ विशेष छाप छोड्ने अपेक्षा गरिएको छ ।

प्रकाशित मिति: आइतबार, जेठ १७, २०८३ १५:५२

प्रतिक्रिया दिनुहोस्