‘कुरो बुझेसी’मा पल र अस्मिता

म्यूजिक

गृहपृष्ठ
म्यूजिक
‘कुरो बुझेसी’मा पल र अस्मिता

‘कुरो बुझेसी’मा पल र अस्मिता

मंगलबार, जेठ १९, २०८३ रंगसंसार

नेपाली सांगीतिक बजारमा गायक तथा संगीतकार आशिष अविरल र गायिका मेलिना राईको स्वर रहेको नयाँ गीत ‘कुरो बुझेसी’ सार्वजनिक गरिएको छ । सुन्दर हमालको शब्द रहेको गीतमा संगीत, एरेन्ज, मिक्सिङ तथा मास्टरिङ आशिष अविरलकै रहेको छ । गीतको रेकर्डिङ राग एन्ड आरएल स्टुडियो (अमेरिका) र एमडी बाल्टिमोरमा गरिएको हो ।

अमित कुमार चन्दको निर्माण रहेको भिडियोको निर्देशन शान थापाले गरेका हुन् । भिडियोमा सञ्जय विश्वकर्माको कोरियोग्राफी, दिनेश पराजुलीको छायांकन, विवेक सुनारको सम्पादन तथा मिलन विश्वकर्माको कलर ग्रेडिङ रहेको छ । कलाकारहरूको पहिरन अनुस्का डीसी (आश्री क्रिएसन)ले डिजाइन गरेकी हुन् भने मेकअप सीता मगरले गरेकी छन् ।

गीतको म्युजिक भिडियोमा अभिनेता पल शाह र मोडल अस्मिता जुरेलीको मुख्य अभिनय देख्न सकिन्छ । प्रेमकथामा आधारित भिडियोमा दुवै कलाकारको अभिनय र नृत्य प्रस्तुतिले विशेष आकर्षण थपेको छ । गीतले एकअर्कालाई बुझिसकेपछिको प्रेम सम्बन्धको भावलाई प्रस्तुत गरेको छ । गीत पल शाहको आधिकारिक युट्युब च्यानलमार्फत सार्वजनिक गरिएको हो ।

प्रकाशित मिति: मंगलबार, जेठ १९, २०८३ १३:१०

प्रतिक्रिया दिनुहोस्