‘भागदौड’को प्रदर्शन मिति तय

फिल्म

गृहपृष्ठ
फिल्म
‘भागदौड’को प्रदर्शन मिति तय

‘भागदौड’को प्रदर्शन मिति तय

मंगलबार, जेठ २६, २०८३ रंगसंसार

नेपाली फिल्म ‘भागदौड’ आगामी असार २६ गतेदेखि देशभर प्रदर्शनमा आउने भएको छ । निर्माण पक्षले मंगलबार दुई फरक फस्टलुक पोस्टर सार्वजनिक गर्दै फिल्मको प्रदर्शन मिति औपचारिक रूपमा घोषणा गरेको हो ।

विश्वराम बिष्ट प्रस्तुतकर्ता रहेको फिल्ममा अंगिरा थापा कार्यकारी निर्माताको भूमिकामा छन् । भूपेन्द्र कुमार खड्का, सागर पुरी र सुरेश गिरी सह–निर्माताका रूपमा आबद्ध छन् । सुप्रिम म्युजिक एण्ड फिल्म्स प्रालिको ब्यानरमा निर्माण भएको फिल्मका सार्वजनिक पोस्टरमा मुख्य कलाकारहरूलाई स्थान दिइएको छ ।

हिमाल उप्रेतीको लेखन तथा निर्देशनमा बनेको फिल्ममा अनिशा श्रेष्ठ, घनश्याम जोशी, शारदा राई (सारा), विशाल पोखरेल, शेखर चापागाईं, देशभक्त खनाल, लक्ष्मी गिरी, शंकर महर्जन तथा सुवास तिमिल्सिनालगायत कलाकारहरूको अभिनय रहेको छ ।

प्रस्तुतकर्ता विश्वराम बिष्टका अनुसार फिल्मले परम्परागत जीवनशैली र आधुनिकताको प्रभावबीच सन्तुलन खोज्ने सामाजिक कथावस्तुलाई समेत समेटेको छ ।

फिल्मको छायांकन दीपक बज्राचार्यले गरेका हुन् भने सम्पादनको जिम्मेवारी प्रविन ढकालले सम्हालेका छन् । वसन्त सापकोटा र प्रकाश नेपालीको संगीत रहेको फिल्मको वितरण नेशनल सिने ग्रुप नेपालले गर्नेछ ।

प्रकाशित मिति: मंगलबार, जेठ २६, २०८३ १६:१५

प्रतिक्रिया दिनुहोस्