‘यसरी यसरी’ दर्शकमाझ

म्यूजिक

गृहपृष्ठ
म्यूजिक
‘यसरी यसरी’ दर्शकमाझ

‘यसरी यसरी’ दर्शकमाझ

बिहीबार, जेठ २८, २०८३ रंगसंसार

नेपाली सांगीतिक बजारमा गायक तथा संगीतकार सुरज कालाखेतीको नयाँ गीत ‘यसरी यसरी’ सार्वजनिक गरिएको छ । गीतमा डीपी खनालको शब्द, सुरज कालाखेतीको संगीत तथा सुरज कालाखेती र विनु अधिकारीको स्वर रहेको छ ।

चलचित्र तथा म्युजिक भिडियो छायाँकार जीवन पराजुलीको निर्देशनमा तयार भएको गीतको भिडियो विनु अधिकारी युट्युब च्यानलमार्फत दर्शकमाझ ल्याइएको हो । संगीत संयोजन, मिक्सिङ तथा मास्टरिङको जिम्मेवारी रोमन बज्राचार्यले सम्हालेका छन् भने गीतको रेकर्डिङ राज रेकर्डिङ स्टुडियोमा गरिएको हो ।

गीतको भिडियो क्यानाडाका विभिन्न प्राकृतिक तथा रमणीय स्थानमा छायांकन गरिएको हो । भिडियोमा प्रेम, भावना र सम्बन्धका सुन्दर पक्षलाई कलात्मक रूपमा प्रस्तुत गरेको निर्माण पक्षले जनाएको छ ।

भिडियोमा विनु अधिकारी, रमन पराजुली, सुरज कालाखेती र नवीना श्रेष्ठले अभिनय गरेका छन् । उत्तम अर्यालको छायांकन रहेको भिडियोमा अनिता ओलीको मेकअप, मनोज बीकेको कोरियोग्राफी तथा राजेश कुमारको सम्पादन र कलर ग्रेडिङ रहेको छ।

लामो समयदेखि नेपाली चलचित्र तथा दर्जनौं म्युजिक भिडियोमा छायाँकारका रूपमा सक्रिय जीवन पराजुलीले यही भिडियोमार्फत निर्देशन क्षेत्रमा औपचारिक रूपमा पाइला चालेका हुन् । निर्देशन यात्राको सुरुआती प्रयासका रूपमा सार्वजनिक गरिएको ‘यसरी यसरी’ले सकारात्मक चर्चा बटुलिरहेको निर्माण पक्षले जनाएको छ।

प्रकाशित मिति: बिहीबार, जेठ २८, २०८३ १२:०९

प्रतिक्रिया दिनुहोस्