हिरा रनपालको ‘गुदरी काम्लो’ दर्शकमाझ

म्यूजिक

गृहपृष्ठ
म्यूजिक
हिरा रनपालको ‘गुदरी काम्लो’ दर्शकमाझ

हिरा रनपालको ‘गुदरी काम्लो’ दर्शकमाझ

शुक्रबार, जेठ २९, २०८३ रंगसंसार

नेपाली सांगीतिक बजारमा फरक स्वादका सिर्जना प्रस्तुत गर्दै आएका गायक तथा सर्जक हिरा रनपालले आफ्नो नयाँ गीत ‘गुदरी काम्लो’ सार्वजनिक गरेका छन् । विष्णु भण्डारीको शब्द, हिरा रनपालकै लय तथा स्वरमा तयार भएको गीतको भिडियो हालै दर्शकमाझ ल्याइएको हो ।

गीतको अडियोमा हिरा रनपालसँगै दीपिका बयम्बु मगरको स्वर सुन्न सकिन्छ । गीतलाई पवन परियारले एरेन्ज गरेका छन् भने मिक्सिङ तथा मास्टरिङको जिम्मेवारी खडग बाजुरालीले सम्हालेका छन् ।

‘हिरा रनपाल’ नामक युट्युब च्यानलमार्फत सार्वजनिक गरिएको भिडियोमा हिरा रनपालसँगै जुनु एसडीको आकर्षक अभिनय तथा नृत्य देख्न सकिन्छ । भिडियोको निर्माण मनकुमारी रनपालले गरेकी हुन् ।

धनबहादुर तामाङ (सागर)को निर्देशनमा तयार भएको भिडियोमा रेशम दर्लामी मगरको छायांकन रहेको छ । सम्पादन राजेश कुमारले गरेका छन् भने विवेक सूर्यवंशी रनपाल र विविका सूर्यवंशी रनपालले निर्माण नियन्त्रकको भूमिका निर्वाह गरेका छन् । नयाँ गीत र भिडियोमार्फत हिरा रनपालले पुनः दर्शक तथा श्रोतामाझ आफ्नो सांगीतिक उपस्थितिलाई सशक्त बनाएका छन् ।

प्रकाशित मिति: शुक्रबार, जेठ २९, २०८३ १२:१४

प्रतिक्रिया दिनुहोस्