‘रत्यौली’को प्रदर्शन मिति तय

फिल्म

गृहपृष्ठ
फिल्म
‘रत्यौली’को प्रदर्शन मिति तय

‘रत्यौली’को प्रदर्शन मिति तय

सोमबार, असार १५, २०८३ रंगसंसार

नायिका पूजा शर्माको प्रस्तुतिमा निर्माण हुन लागेको नेपाली चलचित्र ‘रत्यौली’ आगामी फागुन २१ गतेदेखि विश्वव्यापी रूपमा प्रदर्शनमा आउने भएको छ । निर्माण पक्षले महाशिवरात्रि र अन्तर्राष्ट्रिय नारी दिवसको अवसरलाई लक्षित गर्दै प्रदर्शन मिति तय गरेको जनाएको छ ।

चलचित्रको पोस्टर सार्वजनिक भएसँगै दर्शकमाझ सकारात्मक चर्चा पाएको निर्माण टिमको दाबी छ । चलचित्रको नेपाल वितरण अधिकार रिच इन्टरटेन्मेन्टमार्फत करण श्रेष्ठले लिएका छन् ।

सुरज आचार्यको निर्माण तथा मुस्कान ढकालको निर्देशनमा बन्ने चलचित्रमा अभिनेता विजय बराल र अभिनेत्री पूजा शर्मा मुख्य भूमिकामा निश्चित भइसकेका छन् । नाइटिङ्गेल इन्टरटेन्मेन्ट प्रा.लि. र पूजा शर्मा प्रोडक्सनको ब्यानरमा निर्माण हुने यस चलचित्रको छायांकन भदौ महिनाबाट सुरु गर्ने तयारी गरिएको छ ।

वितरक करण श्रेष्ठका अनुसार महाशिवरात्रि र नारी दिवस एकै समय परेकाले फागुन २१ लाई प्रदर्शनका लागि उपयुक्त मिति रोजिएको हो । सामाजिक कथावस्तुमा आधारित ‘रत्यौली’को हाल प्रि–प्रोडक्सनको काम तीव्र रूपमा अघि बढिरहेको निर्माण पक्षले जनाएको छ ।

प्रकाशित मिति: सोमबार, असार १५, २०८३ ११:५३

प्रतिक्रिया दिनुहोस्