‘साइली’ दर्शकमाझ

फिल्म

गृहपृष्ठ
फिल्म
‘साइली’ दर्शकमाझ

‘साइली’ दर्शकमाझ

बुधबार, असार २४, २०८३ रंगसंसार

नेपाली सांगीतिक बजारमा गायक बिरज महर्जनका दुई नयाँ म्युजिक भिडियो एकसाथ सार्वजनिक भएका छन् । उनले नेपाली प्रेमगीत ‘साइली’ र नेपाल भाषाको ‘छ लिसे’ बोलको गीतको म्युजिक भिडियो दर्शकमाझ ल्याएका हुन् ।

बाल्यकालदेखि नै संगीतमा सक्रिय बिरजले ८ वर्षको उमेरबाट आफ्नो सांगीतिक यात्रा सुरु गरेका थिए । १३ वर्षकै उमेरमा उनले एकल सांगीतिक साँझ प्रस्तुत गर्दै आफ्नो गायन क्षमता प्रदर्शन गरेका थिए । त्यसपछि २०७० सालमा ‘नयाँ किरण’ नामक अडियो एल्बम सार्वजनिक गरेका उनले सुरशाला म्युजिक एकेडेमीबाट औपचारिक संगीत शिक्षा पनि हासिल गरेका छन् ।

हाल अष्ट्रेलियामा बसोबास गर्दै आएका बिरज नेपाल आउँदा भने नयाँ गीत रेकर्डिङ, म्युजिक भिडियो निर्माण तथा विभिन्न सांगीतिक कार्यक्रममा सक्रिय रहने गरेका छन् । यसअघि उनले नेपाल भाषाका थुप्रै गीत सार्वजनिक गरिसकेका छन् । उनका ‘तुयु तुयु धागु’, ‘नक्कालिम्हा मयेजु’ र ‘छ लुइवोन हे जीवन’ लगायतका गीतले राम्रो लोकप्रियता हासिल गरेका छन्। नेपाली गीततर्फ ‘आमा’ र ‘तिमी आउने बाटोभरी’ पनि दर्शक–श्रोतामाझ परिचित छन् ।

यसपटक सार्वजनिक गरिएको ‘साइली’मा बिरज स्वयंको स्वर रहेको छ भने गीतको शब्द, संगीत र संगीत संयोजन जुगल डंगोलले गरेका छन् । गीतको भिडियोमा कृषल श्रेष्ठ र श्रीतिका श्रेष्ठले अभिनय गरेका छन् । रकी महर्जनले छायांकन गरेको भिडियोको सम्पादन रकी महर्जन र रामकृष्ण खड्गीले संयुक्त रूपमा गरेका हुन् भने निर्देशन रामकृष्ण खड्गीले गरेका छन् ।

निर्माण पक्षका अनुसार प्रेम र भावनाको सुन्दर कथालाई संगीत र दृश्यमार्फत प्रस्तुत गरिएको ‘साइली’ले युवा पुस्तासँगै सबै उमेर समूहका दर्शक तथा श्रोताको मन जित्ने विश्वास गरिएको छ ।

प्रकाशित मिति: बुधबार, असार २४, २०८३ १२:१०

प्रतिक्रिया दिनुहोस्