‘म पल्टनमा सानु’ दर्शकमाझ

म्यूजिक

गृहपृष्ठ
म्यूजिक
‘म पल्टनमा सानु’ दर्शकमाझ

‘म पल्टनमा सानु’ दर्शकमाझ

बुधबार, असार २४, २०८३ रंगसंसार

नेपाली सांगीतिक बजारमा गायक दिपेन्द्र खत्रीले नयाँ गीत ‘म पल्टनमा सानु’ सार्वजनिक गरेका छन्। यसअघि केही गीत सार्वजनिक गरे पनि अपेक्षित सफलता हासिल गर्न नसकेका खत्रीले यसपटक नेपाली सेना र प्रहरी परिवारको भावनात्मक कथा प्रस्तुत गर्दै दर्शक तथा स्रोताको ध्यान खिचिरहेका छन् ।

गीतमा नेपाली परिवेश, परिवारको भावना र यथार्थसँग जोडिएको कथालाई समेटिएको छ । यसको शब्द तथा सिर्जना स्वयं खत्रीकै रहेको छ भने प्रत्यक्ष दोहोरी गायनबाट परिचित गायिका आशा बिसीसँग उनले स्वरमा साथ दिएका छन् । गीतको प्रस्तुतिले श्रोतालाई अन्त्यसम्म उत्सुक बनाइराख्ने शैली अपनाएकाले यसले सकारात्मक प्रतिक्रिया बटुल्न थालेको छ ।

तनहुँको खैरेनीटार निवासी खत्री लामो समय नेपाली सेनामा कार्यरत रहेर सेवाबाट अवकाश पाएपछि अहिले पूर्ण रूपमा सांगीतिक क्षेत्रमा सक्रिय बनेका छन् । ‘म पल्टनमा सानु’ले आफ्नो सांगीतिक पहिचान अझ फराकिलो बनाउने विश्वास उनले व्यक्त गरेका छन् ।

तनहुँ र कास्कीका रमणीय स्थानमा छायाङ्कन गरिएको गीतको म्युजिक भिडियो रियल पिक्चर इन्टरटेनमेन्ट र देउराली इन्टरटेनमेन्टको युट्युब च्यानलमार्फत सार्वजनिक गरिएको छ । नयाँ गीतले खत्रीको सांगीतिक यात्रामा नयाँ उचाइ थप्ने अपेक्षा निर्माण टिमको रहेको छ ।

प्रकाशित मिति: बुधबार, असार २४, २०८३ १५:०५

प्रतिक्रिया दिनुहोस्