नायक बन्दै प्रभात लामा

फिल्म

गृहपृष्ठ
फिल्म
नायक बन्दै प्रभात लामा

नायक बन्दै प्रभात लामा

बिहीबार, असार २५, २०८३ रंगसंसार

रघुजी फिल्म्सको ब्यानरमा निर्माण हुन लागेको नयाँ नेपाली चलचित्र ‘तीन तीघ्रे क्या बिग्रे’ लोकप्रिय कमेडियन प्रभात लामा मुख्य भूमिकामा अनुबन्धित भएका छन् । टेलिभिजन, डिजिटल प्लेटफर्म र विभिन्न मञ्चमार्फत आफ्नो हास्य प्रस्तुतिले दर्शकमाझ छुट्टै पहिचान बनाएका प्रभातले यस चलचित्रमार्फत पहिलो पटक नायकका रूपमा डेब्यु गर्न लागेका हुन् ।

चलचित्रमा आबद्ध भएपछि प्रभातले चलचित्र अभिनयप्रति आफू निकै उत्साहित रहेको प्रतिक्रिया दिएका छन् । निर्माण टिमले उनको अभिनयले दर्शकलाई नयाँ शैलीको मनोरञ्जन दिने विश्वास व्यक्त गरेको छ ।

अमरदीप सापकोटाको लेखन तथा निर्देशनमा बन्न लागेको चलचित्रको छायाङ्कन यही सातादेखि सुरु गर्ने तयारी गरिएको छ । चलचित्रका निर्माता रघुनाथ सापकोटा हुन् । उनका अनुसार चलचित्रमा नेपाली मनोरञ्जन क्षेत्रका अन्य चर्चित कलाकारहरूको समेत सशक्त सहभागिता रहनेछ ।

पूर्ण मनोरञ्जनात्मक कमेडी जनरामा निर्माण हुने यस चलचित्रमा चर्चित गायक पशुपति शर्माका गीत समावेश गरिनेछन् भने छायाङ्कनको जिम्मेवारी सिनेमाटोग्राफर संकल भुजेलले सम्हाल्नेछन् ।

यसअघि नै चलचित्रका लागि गायक पशुपति शर्मा, गायिका अन्जु पन्तकी छोरी परितोषिका पन्त र कलाकार समिया कार्की मुख्य भूमिकामा अनुबन्धित भइसकेका छन् । निर्देशक सापकोटाका अनुसार ‘तीन तीघ्रे क्या बिग्रे’ दर्शकलाई हाँसो, मनोरञ्जन र फरक स्वाद दिने उद्देश्यका साथ निर्माण गर्न लागिएको हो ।

प्रकाशित मिति: बिहीबार, असार २५, २०८३ ११:०२

प्रतिक्रिया दिनुहोस्