‘आशा’ निर्माण हुने

फिल्म

गृहपृष्ठ
फिल्म
‘आशा’ निर्माण हुने

‘आशा’ निर्माण हुने

शुक्रबार, असार २६, २०८३ रंगसंसार

नेपाली कथानक फिल्म ‘आशा’ निर्माण हुने भएको छ । बिहीबार आयोजित पत्रकार सम्मेलनमार्फत फिल्मको औपचारिक घोषणा गर्दै आगामी १ माघ लाई प्रदर्शन मिति तय गरिएको जानकारी निर्माण पक्षले दिएका छन् ।

उडान स्टुडियोको ब्यानरमा निर्माण हुन लागेको फिल्मको निर्माण शर्मिला थापाले गर्नेछिन् भने राजीव गुरुङले पटकथा लेखनसँगै निर्देशनको जिम्मेवारी सम्हाल्नेछन् ।

फिल्ममा महेश त्रिपाठी र अञ्जना बराइली मुख्य भूमिकामा रहनेछन् । उनीहरूसँगै सशांक मैनाली, सुशील सिटौला, आशान्त शर्मा, कविता रेग्मी, केपिना सिंह र विष्णु मोक्तानको पनि अभिनय रहनेछ ।

महेश र अञ्जना यसअघि व्यावसायिक रूपमा सफल फिल्म ‘परान’मा जोडीका रूपमा देखिएका थिए । उक्त फिल्म नेपाली चलचित्र उद्योगको सर्वाधिक कमाइ गर्ने फिल्महरूको सूचीमा चौथो स्थानमा रहन सफल भएकाले ‘आशा’प्रति पनि दर्शकमाझ उत्सुकता बढ्ने अपेक्षा गरिएको छ । घोषणा कार्यक्रममा फिल्मका कलाकार तथा निर्माण टिमको उपस्थिति रहेको थियो । निर्माण पक्षका अनुसार फिल्मको छायांकन छिट्टै सुरु गरिनेछ।

प्रकाशित मिति: शुक्रबार, असार २६, २०८३ १०:२४

प्रतिक्रिया दिनुहोस्