‘कंगाल करोडपति’मा रेयर राई

फिल्म

गृहपृष्ठ
फिल्म
‘कंगाल करोडपति’मा रेयर राई

‘कंगाल करोडपति’मा रेयर राई

शुक्रबार, असार २६, २०८३ रंगसंसार

नयाँ नेपाली चलचित्र ‘कंगाल करोडपति’मा अभिनेता रेयर राई अनुबन्धित भएका छन् । निर्माणपक्षले यसै महिना उनलाई फिल्मको मुख्य भूमिकाका लागि भित्र्याएको हो। यसअघि नै फिल्मको शीर्ष भूमिकाका लागि अभिनेता मुकुन भुषाल र अभिनेत्री सलिना तामाङ पक्का भइसकेका छन् । रेयरको आगमनसँगै फिल्मको मुख्य कलाकारको टिम झनै बलियो बनेको छ ।

राजु श्रेष्ठको निर्देशनमा बन्न लागेको यो फिल्मलाई सिनेमा पाठशाला प्रा.लिको ब्यानरमा निर्माण गर्न लागिएको हो । फिल्मका प्रस्तुतकर्ता प्रविन आचार्य हुन् भने यसलाई अनिलकुमार बुढाथोकीले लगानी गर्दैछन् ।

त्यस्तै, फिल्मको सह–निर्माताका रूपमा छिरिङ तामाङ, प्रबिन राई र प्रवेश सापकोटा जोडिएका छन् । रीता श्रेष्ठ तामाङ र सुरज कुमारले भने लाइन प्रोड्युसरको जिम्मेवारी सम्हाल्ने भएका छन् ।

सुमन गजमेरको लेखन रहेको यस फिल्मको प्राविधिक टोली यतिबेला फ्लोरमा जानुअघिको तयारीमा व्यस्त छ । फिल्मका अन्य कलाकार तथा छायांकन सुरु हुने मिति लगायतका थप विवरणहरू केही दिनभित्रै औपचारिक रूपमा सार्वजनिक गरिने निर्माणपक्षले जनाएको छ ।

प्रकाशित मिति: शुक्रबार, असार २६, २०८३ १५:१६

प्रतिक्रिया दिनुहोस्