‘केटी पार्टी’ दर्शकमाझ

म्यूजिक

गृहपृष्ठ
म्यूजिक
‘केटी पार्टी’ दर्शकमाझ

‘केटी पार्टी’ दर्शकमाझ

बुधबार, असार ३१, २०८३ रंगसंसार

नेपाली सांगीतिक बजारमा लोकप्रिय गायिका शान्तिश्री परियारको स्वरमा सजिएको नयाँ तीज गीत ‘केटी पार्टी’ सार्वजनिक गरिएको छ । मंगलबार कोटेश्वरस्थित होटल तपोवनमा आयोजित कार्यक्रममा साहित्यकार शान्ति शर्माको प्रमुख आतिथ्यमा गीतको भिडियो सार्वजनिक गरिएको हो ।

मनिष श्रेष्ठको शब्द तथा संगीत रहेको गीतलाई आकाश नेपालीले एरेन्ज, मिक्सिङ र मास्टरिङ गरेका छन् । गीतले उमेरभन्दा पनि इच्छा, आत्मविश्वास र उत्साह महत्वपूर्ण हुने सन्देश दिँदै जुनसुकै उमेरमा पनि नाच्न, रमाउन र आफ्नो प्रतिभा प्रस्तुत गर्न सकिने भाव व्यक्त गरेको छ ।

गीतको भिडियोमा बिमला भण्डारी, सरिता थापा, कोइली थापा, शारदा श्रेष्ठ र नूतन अधिकारीको अभिनय तथा नृत्य रहेको छ। पवन सुस्लिङको छायांकन तथा सम्पादन रहेको भिडियोको निर्देशन र कोरियोग्राफी मनिष श्रेष्ठले गरेका हुन्। भिडियो मनिष श्रेष्ठको आधिकारिक युट्युब च्यानलमार्फत सार्वजनिक गरिएको छ ।

भिडियोमा अभिनय गरेका कलाकारहरू सामाजिक सेवामा सक्रिय रहँदै विभिन्न संघ–संस्थामार्फत योगदान दिँदै आएका व्यक्तित्व हुन् । उनीहरूले उत्साहका साथ तीज गीत निर्माण गरेको जनाउँदै आगामी वर्षहरूमा पनि यही टोलीबाट नयाँ तीज गीत ल्याउने तयारी रहेको बताएका छन् ।

प्रकाशित मिति: बुधबार, असार ३१, २०८३ १४:०३

प्रतिक्रिया दिनुहोस्