‘प्रिन्स’ निर्माण सुरु

फिल्म

गृहपृष्ठ
फिल्म
‘प्रिन्स’ निर्माण सुरु

‘प्रिन्स’ निर्माण सुरु

आइतबार, साउन ३, २०८३ रंगसंसार

वरिष्ठ कलाकार तथा निर्देशक निर शाहले नयाँ नेपाली चलचित्र ‘प्रिन्स’ निर्देशन गर्ने भएका छन् । शुक्रबार पहिलो गीतको रेकर्डिङसँगै चलचित्रको निर्माण प्रक्रिया औपचारिक रूपमा अघि बढाइएको हो ।

रेड चिल्ली फिन टेक प्रा.लि.को ब्यानरमा बन्न लागेको यस चलचित्रको पहिलो गीतमा निर शाहको शब्द, वरिष्ठ संगीतकार शम्भुजित बास्कोटाको संगीत तथा गायक शिव परियारको स्वर रहेको छ ।

चलचित्रको कथा निर शाह र शिवम अधिकारीले संयुक्त रूपमा तयार पारेका हुन् । पटकथा तथा संवाद शिवम अधिकारीले लेखेका छन् भने छायांकनको जिम्मेवारी सौरभ लामाले सम्हाल्नेछन् । पुष्कर लामा (प्रेम भोम्जन) लाइन प्रोड्युसरका रूपमा जोडिएका छन् ।

निर्माण टिमका अनुसार चलचित्रको छायांकनको तयारी अन्तिम चरणमा पुगेको छ । कलाकार तथा अन्य प्राविधिक टोलीको विवरण भने उपयुक्त समयमा सार्वजनिक गरिने बताइएको छ ।

अनुभवी निर्देशक निर शाहले ‘प्रिन्स’ मार्फत नयाँ कथावस्तु र फरक शैलीको प्रस्तुति लिएर पुनः दर्शकमाझ आउने तयारी गरेका छन् ।

प्रकाशित मिति: आइतबार, साउन ३, २०८३ १३:१८

प्रतिक्रिया दिनुहोस्