‘मन बिनाको धन–२’मा गौरी मल्ल

फिल्म

गृहपृष्ठ
फिल्म
‘मन बिनाको धन–२’मा गौरी मल्ल

‘मन बिनाको धन–२’मा गौरी मल्ल

सोमबार, साउन ४, २०८३ रंगसंसार

संगीतकार तथा गायक टंक बुढाथोकीको निर्देशनमा निर्माण हुन लागेको नेपाली चलचित्र ‘मन बिनाको धन–२’ मा वरिष्ठ अभिनेत्री गौरी मल्ल अनुबन्धित भएकी छन् । निर्माण टिमले उनीसँग औपचारिक लिखित सम्झौता सम्पन्न भइसकेको जानकारी दिएको छ ।

गौरी मल्लको आगमनसँगै चलचित्रको कलाकार टोली थप सशक्त बनेको निर्माण पक्षको विश्वास छ । यसअघि नै सरोज खनाल, विपिन कार्की, पूजा शर्मा र महेश त्रिपाठी मुख्य भूमिकाका लागि अनुबन्धित भइसकेका छन् । यस्तै, किरण केसी, प्रकाश घिमिरे र शंकर श्रेष्ठलगायतका अनुभवी कलाकारले पनि चलचित्रमा अभिनय गर्नेछन् ।

टंक बुढाथोकी प्रोडक्सनको ब्यानरमा निर्माण हुने यस चलचित्रको कथा निर्देशक टंक बुढाथोकी स्वयंले तयार पारेका हुन् । पटकथा तथा संवाद शिवम् अधिकारीले लेखेका छन् भने गीत–संगीतको जिम्मेवारी पनि बुढाथोकीकै रहनेछ। चलचित्रको निर्माण विष्णुमाया मैनाली बुढाथोकीले गर्दैछिन् ।

यद्यपि, पहिलो श्रृंखला ‘मन बिनाको धन’ मा अभिनय गरेका अशोक दर्जी र ए।आर। बुढाथोकी दोस्रो भागमा रहने वा नरहने विषयमा निर्माण पक्षले अहिलेसम्म कुनै आधिकारिक जानकारी सार्वजनिक गरेको छैन ।

निर्माण टिमका अनुसार चलचित्रको छायांकन भदौको पहिलो सातादेखि सुरु गरिनेछ। काठमाडौं उपत्यकाका विभिन्न स्थानका साथै मुस्ताङमा पनि चलचित्रको मुख्य छायांकन गर्ने तयारी भइरहेको छ ।

प्रकाशित मिति: सोमबार, साउन ४, २०८३ १६:१५

प्रतिक्रिया दिनुहोस्